Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda qaraǵandylyq ury kólikten 20 mln teńge urlaǵan

2021 jyldyń 5 qarasha 2021 07:24

ALMATY. QazAqparat - Almatyda kólikten 20 mıllıon teńge urlaǵan qaraǵandylyq ury ustaldy, dep habarlaıdy QazAqparat tilshisi.

51 jastaǵy ury dabyldy skanerleý arqyly bótenniń kóligine kirgen. Onyń buryn múliktik qylmys jasaǵany úshin sottalǵany anyqtaldy.

Bul qylmys 28 qazan kúni saǵat 10:30-da boldy. T. esimdi azamat Gogol men Tólebaev kósheleriniń qıylysynda turǵan Mercedes kóliginiń salonyna zańsyz kirip, sol jerden jasyryn 20 mıllıon teńge aqsha urlaǵan.

«Kúdikti Qaraǵandy oblysynda ustaldy. Er adam urlanǵan aqshanyń bir bóligin jeke qajettilikterine jumsaǵany anyqtaldy. Qalǵany tárkilenip, QR QK-niń 188-baby 3-bóligi boıynsha Medeý aýdandyq PB tergep jatqan qylmystyq is materıaldaryna qosa tirkeldi», - dedi Almaty qalalyq Polıtsııa departamenti bastyǵynyń orynbasary Berik Ábilbekov.

Polıtsııa málimetinshe, qazir bul qylmysqa basqa da adamdardyń qatysy bar-joǵy anyqtalyp jatyr.


Avtor Dýman Arǵyngeldi
Basty sózder: Almaty, Oqıǵa, Zań,
Joǵary qaraı