Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda karantın rejımin buzǵan 12 nysan anyqtaldy

2021 jyldyń 26 qazan 2021 01:50

ALMATY. QazAqparat –Almatynyń monıtorıng toptary karantın sharalarynyń saqtalýy boıynsha kúsheıtilgen rejımde jumys istep jatyr.

Bul týraly Almatyda KVI taralýynyń aldyn alý jónindegi jedel shtabtyń kezekti otyrysynda aıtyldy, dep habarlaıdy QazAqparat tilshisi. 18-25 qazan aralyǵynda Almaty qalasy boıynsha monıtorıng toptary karantındik sharalardyń saqtalýyn baqylaý kezinde erejeni buzǵan 12 nysand anyqtady. Nátıjıesinde 6 zańdy jáne 77 jeke tulǵa ákimshilik jaýapqa tartyldy. 47 qoǵamdyq kólikti tekserý barysynda maska rejımin buzǵany úshin 6 adam jazalandy. Mektepke deıingi mekemelerdi tekserý jalǵasýda, mobıldi toptar 189 memlekettik balabaqsha men 38 mektepke deıingi uıymdy aralady. Máselen, №154 balabaqshada qyzmetkerler arasynda maska rejımin buzý anyqtaldy. № 25, 48 balabaqshada makırovkalar jasalmaǵan. № 59 jáne 148 mektepke deıingi mekemede bólmelerdi ylǵaldy jınaý jáne dezınfektsııalaý jónindegi talaptar buzylǵan. Tekserý kezinde jeti JOO-da sanıtarlyq normalardyń buzylǵany belgili boldy. Bilim oryndarynda sanıtaızerler men retsırkýlıatorlar joq bolyp shyqty. Keıbir jataqhanalarda oqshaýlanýǵa arnalǵan stýdentter bólmesi joq. Jekelegen JOO-da kelýshilerdi Ashyq jobasy boıynsha ishke kirýi baqylaýǵa alynbaǵan. Buzýshylar tiziminde – Logıstıka jáne kólik akademııasy, Qazaq ınjenerlik-tehnologııalyq ýnıversıteti, Sankt-Peterbýrg Gýmanıtarlyq kásipodaqtar ýnıversıteti, Qazaqstan-Brıtan tehnıkalyq ýnıversıteti, Qazaq sport jáne týrızm akademııasy, UIB Halyqaralyq bıznes ýnıversıteti jáne Kaspıı ýnıversıteti bar. Almatydaǵy stýdentterdiń jalpy sanynyń 57%-y vaktsına alǵan. JOO oqytýshylarynyń arasynda vaktsınalanǵandar – 90%. Epıdemıologtar jastar men orta jastaǵy adamdar ınfektsııanyń negizgi tasymaldaýshylar dep sendiredi. Olardyń aıtýynsha, 20-39 jas aralyǵyndaǵy qalalyqtardyń 31%-dan astamy dertti jıi juqtyrady, al sońǵy eki aptada osy jas tobyndaǵylardyń derti shamamen 4%-ǵa ósken. Jedel shtab almatylyqtardy KVI-ǵa qarsy vaktsınadan belsendi ótýge taǵy da shaqyrdy, óıtkeni ujymdyq ımmýnıtettiń qalyptasýy shekteýlerdi kezeń-kezeńimen alyp tastaýǵa jáne qalypty ómir saltyna oralýǵa múmkindik beredi.


Avtor Alma Muqanova
Basty sózder: Almaty, Karantın, Koronavırýs,
Joǵary qaraı