Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda «qarapaıym zattar ekonomıkasy» boıynsha 22,2 mlrd teńgeniń jobasy maquldandy

2021 jyldyń 14 qazan 2021 16:10

ALMATY. QazAqparat - Almaty qalalyq kásipkerler palatasynyń dırektory Aıtýar Qoshmambetov óńirlik kommýnıkatsııalar qyzmetiniń brıfınginde kásipkerlerdi qoldaý boıynsha osy jyly qandaı baǵdarlamalar iske asqanyn aıtty, dep habarlaıdy QazAqparat tilshisi.

Palata dırektorynyń aıtýynsha, jyl basynan beri «qarapaıym zattar ekonomıkasy» baǵdarlamasy boıynsha 22,2 mlrd teńgege 17 joba qarjylandyryldy. Onyń ishinde óńdeý ónerkásibi 87%, qalǵany qyzmet kórsetý salasy.

«Jobalardyń eń kóbi «Bıznestiń jol kartasy – 2025» aıasynda qarjylandyryldy. Barlyǵy 84,5 mlrd teńgege 1 199 jobaǵa kómek kórsetildi. Al, «Eńbek» memlekettik baǵdarlamasy aıasynda 1 mlrd teńgeniń 73 jobasy qarjylandyryldy. Bıyldan bastap «almatylyq óndirýshiler» pýly quryldy. Sonymen qatar, biz Almaty qalasy ákiminiń orynbasarlarymen birlesip, óndirýshilerdiń problemalary men naqty júktemesin anyqtaý úshin 25 otandyq kásiporynǵa bardyq», - dedi ol.

Nátıjesinde «Al Bakara», «Alma-mebel» jáne «Tornado PLUS» JShS-men 400 mln teńgege mektep jıhazyn jetkizýge, «Sklad OV» kásipornymen 50,6 mln teńge somasyna 19 myń sektsııa radıatoryn jetkizýge kelisimshart jasalǵan.

Júrgizilip jatqan jumystardyń arqasynda «Almatylıft» kompanııasy 449 mln teńgege 46 lıft jetkizbek.


Avtor Alma Muqanova
Basty sózder: Almaty, Ekonomıka,
Joǵary qaraı