Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda qarjy pıramıdasyn uıymdastyrýshy ustaldy

2021 jyldyń 26 qazan 2021 23:06

ALMATY. QazAqparat - Almatyda «Mudaraban Capital» kompanııasynyń basshysy qarjy pıramıdasyn uıymdastyrǵany úshin ustaldy. Bul týraly qalalyq Polıtsııa bastyǵynyń orynbasary Rýstam Ábdirahmanov málim etti, dep habarlaıdy QazAqparat tilshisi.

Almaty qalalyq Polıtsııa departamenti ókiliniń málimetinshe, 40 jastaǵy B. esimdi azamat búgin, 26 qazanda Qylmystyq kodekstiń 128-babyna sáıkes ýaqytsha ustaý ızolıatoryna qamaýǵa alyndy.
Esterińizge sala keteıik, bıylǵy jyldyń 27 sáýirinde bir top azamat Almaty qalalyq polıtsııa departamentine qarjylyq pıramıda qurý jáne basqarý faktisi boıynsha ASTEX.KZ JShS, ACD technology JShS laýazymdy tulǵalaryna qatysty ujymdyq aryzben júgindi.
«Sotqa deıingi tergeý barysynda 2019-2021 jyldar aralyǵyńda atalǵan JShS laýazymdy tulǵalary jeke jáne zańdy tulǵalarmen memlekettik satyp alýǵa qatysýǵa talap etilgen qarajatty tartý maqsatynda birlesken qyzmet týraly kelisimsharttar jasaǵany anyqtaldy. Ekijaqty qujatqa sáıkes, fırmalar ár salymshyǵa aı saıyn engizilgen somanyń 20% tóleýi kerek bolatyn. Osyndaı qylmysqa bardy degen kúdikke tórt adam ilikti, onyń úsheýi sottyń ruqsatymen qamaýǵa alyndy», - dep jazdy Facebook-te Almaty polıtsııa departamenti bastyǵynyń tergeý jumystary jónindegi orynbasary Rýstam Ábdirahmanov.
Onyń aıtýynsha, «ASTEX.KZ» JShS-ne 160 salymshydan eki mıllıard teńgeden astam qarajat «Mudaraban Capital» kompanııasy arqyly túsken.
Joǵary qaraı