Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda kásipkerlik negizderine oqytatyn 109 oqý ortalyǵy jumys istep tur

2021 jyldyń 14 qazan 2021 16:23

ALMATY. QazAqparat - Almatynyń kásiporyndar men kolledjder bazasynda 100-den astam oqý ortalyǵy jumys isteıdi. Bul týraly Óńirlik kommýnıkatsııalar qyzmeti alańynda ótken brıfıngide Almaty Kásipkerler palatasynyń dırektory Aıtýar Qoshmambetov málimdedi, dep habarlaıdy QazAqparat tilshisi.

Kásipkerler palatasy dırektorynyń aıtýynsha, ortalyqtarda jumyssyzdardy suranysqa ıe mamandyqtarǵa oqytady. Kásipkerler palatasy 109 oqý ortalyǵyn ashýǵa yqpal etken, onyń 23-i Almaty kolledjderiniń bazasynda, bireýi ýnıversıtet bazasynda, 73-i kásiporyn bazasynda uıymdastyrylǵan.

«Bıyl 1 031 jumyssyz jáne ózin-ózi jumyspen qamtyǵan adam oqýǵa kiristi, 406 adam oqýyn jalǵastyrýda, 625 adam oqýyn aıaqtady, 43 adam oqýyn merziminen buryn aıaqtady, 188 adam jumysqa ornalastyryldy», - dedi spıker.

Almatyda Jol kartasyn júzege asyrý aıasynda dýaldy bilim berý júıesi qoldanylady. Qazirdiń ózinde 43 kolledj jáne 289 kásiporyn qamtylǵan. Bul úshin alǵysharttar eńbek naryǵynyń aǵymdaǵy jaǵdaıyn taldaıdy ári kásiporyndardyń bilikti kadrlarǵa qajettiligin qamtamasyz etedi.

Qazirgi kezde kásipkerler palatasy kolledjder men kásiporyndardan jańa 2021-2022 oqý jylyna dýaldy bilim berý júıesine qatysý úshin ótinimder qabyldaýda. Ázirge 31 kolledj jáne 140-tan astam kásiporyn ótinish bildirdi.

Aıtýar Qoshmambetovtyń aıtýynsha, oqý oryndarymen mundaı áleýmettik áriptestik odan ári keńeıetin bolady. Bul jergilikti deńgeıde kadrlardy neǵurlym sapaly daıarlaý úshin qolaıly. Shyn máninde, kolledj kásiporyndarǵa óndiris protsesine birden qosyla alatyn ózderindegi adamdardy jiberetin bolady.


Joǵary qaraı