Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda kásiporyn qyzmetkerleriniń vaktsına alǵan-almaǵany tekserilip jatyr

2021 jyldyń 18 qazan 2021 18:44

ALMATY. QazAqparat- Almaty ákimi Baqytjan Saǵyntaevtyń tóraǵalyǵymen koronavırýs ınfektsııasynyń taralýyna jol bermeý jónindegi qalalyq jedel shtabtyń otyrysy ótti, dep habarlaıdy QazAqparat tilshisi.

Aıta keteıik, 7 qyrkúıekte QR aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııa vaktsınalaý boıynsha reıdter algorıtmin bekitken bolatyn.

Almatynyń monıtorıng toptary 10 qyrkúıekten bastap 302 bıznes nysany men megapolıstegi joǵary oqý oryndaryn tekserdi. Bularda 65 536 qyzmetker bar, olardyń 55 618-i (84,8%) vaktsınalanǵan, 4 439-y (6,8%) ekpe almaǵan, aýyryp jazylǵandar nemese medıtsınalyq qarsy kórsetilimderi barlary – 5 479 (8,4%).
Barlyq kásiporynda koronavırýsqa qarsy vaktsınalanýdyń qajettiligi men mańyzy týraly keńes berildi, óıtkeni vaktsınalanbaǵan qyzmetkerlerdiń basym bóligi ujymda derttiń qaıtadan ýshyqtyrýy múmkin.
11-17 qazan aralyǵynda monıtorıng toptar 35 kásiporyndy tekserip, 12 541 adamdy qamtydy. Olardyń ishinde 9 987 adam vaktsınalanǵan, 1 240-y ekpe almaǵan, 1 314 adamnyń medıtsınalyq qarsy kórsetilimi bolǵan.
Tekserýshiler monıtorıng barysynda medıtsınalyq qarsy kórsetilimi bar qyzmetkerler arasynda bekitilgen 026-Ý formasynyń sáıkessizdigine baılanysty birqatar buzýshylyq anyqtalǵanyn atap ótti. Sondyqtan medıtsınalyq anyqtamanyń durystyǵyn tekserý úshin shara qabyldanatyn boldy. Onyń ústine, Almatyda birqatar saýda-oıyn-saýyq ortalyǵy men saýda úıleri qyzmetkerleriniń Ashyq-tyń «kók» mártebesi boıynsha jumys isteıtini, olardyń áli kúnge deıin «jasyl» mártebeni almaǵany anyqtaldy.
Respýblıkalyq elektrondyq densaýlyq saqtaý ortalyǵynyń Almaty fılıaly usynǵan vaktsınalaný kartasynyń negizinde qyzmetkerler sany 50 adamnan asatyn jáne vaktsınalanǵan qyzmetkerlerdiń sany 60%-dan tómen kásiporyndarda vaktsınalaý jospary jasaldy.
Eske salsaq, 17 qazannan bastap Densaýlyq saqtaý mınıstrliginiń buıryǵy kúshine endi, oǵan sáıkes vaktsınalanǵan, vaktsınalanbasa da (jeti kúnde bir ret) PTR-testisi jáne turaqty medıtsınalyq qarsy kórsetilimi jóninde anyqtamasy bar nemese úsh aı ishinde KVI-men aýyrǵan qyzmetkerlerge jumys isteýge ruqsat etiledi.
Almaty kásipkerler palatasynyń dırektory Aıtýar Qoshmambetov atap ótkendeı, «Atameken» KVI pandemııasymen kúresýdiń jalǵyz quraly retinde halyqty jappaı vaktsınatsııalaý qajettiligin qoldaıdy. Densaýlyq saqtaý mınıstrliginiń jańa buıryǵyn talqylaý kezinde «Atameken» saraptamalyq qorytyndyda óz ustanymyn bildirdi. Jalpy, Kásipkerler palatasy kásiporyn basshylarynan ujymdardy vaktsınalaýǵa barynsha kómek kórsetýdi jáne jaǵdaı jasaýdy suraıdy. Budan ózge, bıylǵy jyldyń 28 shildesinen bastap jolaýshylar men qoǵamdyq kólik júrgizýshilerin tekserý jalǵasyp jatyr. Tekserýdiń barlyq kezeńinde 1 618 avtobýs pen trolleıbýsqa monıtorıng júrgizildi.
Qoǵamdyq kólikte betperde rejımin saqtamaǵany úshin QR ÁQBtK-niń 425-babynyń 1-bóligine sáıkes 224 jeke tulǵaǵa jáne bir zańdy tulǵaǵa ákimshilik hattama toltyryldy. Onyń ishinde ótken aptada 11 jolaýshy jaýapqa tartyldy. Qoǵamdyq kólikte betperde taǵý ınfektsııa qaýpin azaıtatyny belgili. Infektsııany azaıtý úshin túngi ýaqytta qoǵamdyq kólik salondaryn dezınfektsııalaý uıymdastyryldy. Derttiń tómendeýine qaramastan epıdemıologııalyq ahýal burynǵydaı kúrdeli bolyp qalýda.
Kún saıyn qalada 300-den astam KVI juqtyrǵandar anyqtalady, ınfektsııalyq statsıonarlarda 1 368 adam, onyń ishinde 28 bala bar. Sondyqtan mamandar Almaty turǵyndary men qonaqtaryn áleýmettik qashyqtyq pen betperde taǵý erejelerin qatań saqtaýǵa shaqyrady.
Aıta keterligi, derttiń ósýin toqtatýdyń jalǵyz ári tıimdi ádisi – vaktsınalaný arqyly ujymdyq ımmýnıtetti qalyptastyrý.

Avtor Alma Muqanova
Basty sózder: Almaty,
Joǵary qaraı