Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda kitap jármenkesi ótip jatyr

2022 jyldyń 28 mamyr 2022 19:30

ALMATY. QazAqparat- «Almaty kitap jármeńkesi» atty shara Shoqan Ýálıhanov atyndaǵy alańda ótip jatyr, dep habarlaıdy QazAqparat tilshisi.

Kitap jármeńkesiniń ashylýyna Mádenıet jáne sport mınıstri Dáýren Abaev, qala basshysy Erbolat Dosaev, Qazaqstan Jazýshylar odaǵynyń tóraǵasy Ulyqbek Esdáýlet jáne basqa da ádebıet pen mádenıettiń kórnekti ókilderi qatysty.

Kitap jármeńkesine 50-den astam otandyq baspalar men kitap dúkenderi, sondaı-aq Qyrǵyzstan men Reseıden kelgen delegatsııalar qatysyp jatyr. Kórme-jármeńkeniń qonaqtary kitap naryǵynyń jańalyqtarymen tanysýǵa, avtorlarmen kezdesýge jáne qoltańba sessııalary aıasynda qol qoıylǵan týyndylardyń danalaryn alýǵa múmkindik aldy.

Іs-shara aıasynda merekelik kontsert, jazýshylar men aqyndardyń túrli shyǵarmashylyq nómirleri josparlanǵan. Megapolıs qonaqtary men turǵyndary zııatkerlik vıktorınalarǵa qatysa alady, jeńimpazdarǵa kitaptar beriledi.





Jármeńkede Ulttyq memlekettik Kitap palatasynyń «Sırek kitaptar men qoljazbalar murajaıy» eksponattary usynyldy. Barlyq qatysýshylar XIX ǵasyrdyń aıaǵy men XX ǵasyrdyń basynda jaryq kórgen Alash qozǵalysynyń kórnekti qaıratkerleriniń biregeı kitaptarymen tanysa alady.





Jármeńke aıasynda baspa isin, kitap satýdy, zamanaýı balalar ádebıetin damytý boıynsha dóńgelek ústelder ótedi, onda mamandar osy máselelerdi egjeı-tegjeıli talqylaıdy.

Aıta keteıik, jármenke 28-30 mamyr aralyǵynda ótedi.





Aýqymdy mádenı is-sharanyń uıymdastyrýshylary Almaty ákimdigi, Mádenıet jáne sport mınıstrligi men Ulttyq memlekettik kitap palatasy.


Joǵary qaraı