Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda qoǵamdyq kelisimdi nyǵaıtýǵa qatysty respýblıkalyq semınar ótip jatyr

2021 jyldyń 5 mamyr 2021 12:42

ALMATY. QazAqparat - Etnosaralyq qatynastardy nyǵaıtýǵa baǵyttalǵan respýblıkalyq semınar onlaın formatta ótip jatyr, dep habarlaıdy QazAqparat tilshisi.

Praktıkalyq semınar etnosaralyq qatynastardy retteýdegi tásilderdi jetildirý, osy saladaǵy memlekettik organdar men qoǵamdyq qurylymdar qyzmetiniń tıimdiligin arttyrý máselelerine arnalǵan.

Sharaǵa QR Parlamenti Májilisi depýtattary, etnosaralyq qatynastar salasyndaǵy sarapshylar, memlekettik organ ókilderi, etnomádenı birlestik basshylary men QHA óńirlik qurylymdary ókilderi, Qazaqstan halqy Assambleıasy kafedrasy, etnomádenı birlestikter, QHA «Jańǵyrý joly» jastar uıymdary ókilderi men stýdentter qatysyp jatyr.

Semınar barysynda etnosaralyq qatynas máseleleri men problemalary, Qazaqstan halqy Assambleıasynyń qyzmeti, memlekettik organdardyń azamattyq qoǵam ınstıtýttarymen jáne múddeli azamattarmen birlesken jumysy keńinen talqylanatyn bolady.

Іs-sharaǵa qatysýshylar túrli etnıkalyq toptardyń tabysty ómir súrýiniń jáne ózara is-qımylynyń tájirıbesimen bólisedi.

Respýblıkalyq semınar QR Aqparat jáne qoǵamdyq damý mınıstrliginiń uıymdastyrýymen ótýde.


Avtor Alma Muqanova
Basty sózder: Parlament, Qoǵam,
Joǵary qaraı