Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda kóktaıǵaqqa qarsy 2 myń tonnadan astam qum sebildi

2022 jyldyń 20 qańtar 2022 09:23

ALMATY. QazAqparat - Almaty kóshelerinde kóktaıǵaqtyń aldyn alý maqsatynda kommýnaldyq qyzmet ókilderi 2077 tonna qum men tuz qospasyn seýip shyqty, dep habarlaıdy QazAqparat tilshisi.

Almaty ákimdiginiń baspasóz qyzmeti habarlaǵandaı, qalada keshe keshki saǵat 16:15-ten bastap ylǵal qar jaýa bastady.

Qalanyń ishine jaýǵan qardyń qalyńdyǵy - 8 sm. Taýly aýdandarda 20 sm-ge deıin jetti.

Qalanyń kommýnaldy qyzmetteri kóktaıǵaqtyń aldyn alý maqsatynda qala kóshelerine 2077 tonna qum men tuz qospasyn seýip shyqty.

Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, ortaq paıdalaný oryndaryn tazalaý boıynsha jumystar uıymdastyryldy.

Qardy tazalaýǵa 562 tehnıka, onyń ishinde 160 qumshashqysh jáne 1 493 jol jumysshysy jumyldyryldy.

Aýdan ákimdikteri men qala ákimdiginde qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.

Qazgıdromettiń boljamy boıynsha qar aralas jaýyn túske qaraı toqtaıdy. Aýa temperatýrasy búgin kúndiz +1, +3 gradýs.


Avtor Alma Muqanova
Basty sózder: Aýa raıy, Almaty, Qaýipsizdik,
Joǵary qaraı