Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda kólik keńesi qurylady

2021 jyldyń 22 sáýir 2021 15:10

ALMATY. QazAqparat –Almaty ákimi Baqytjan Saǵyntaev jol qaýipsizdigi máseleleri boıynsha jumys keńesin ótkizdi, dep habarlaıdy QazAqparat tilshisi.

Sarapshylar qaýymdastyǵy jáne belsendi qalalyq qaýymdastyq ókilderiniń qatysýymen ótken kezdesýde jol-kólik ınfraqurylymyn jańartý, biryńǵaı ІT platformasyn qurý, Vizion Zero baǵdarlamasyn ózektendirý, kóliktiń mıkromobıldi túrlerin damytý máseleleri qaraldy.

Sonymen qatar, jaıaý júrginshilerdiń qaýipsizdigin kúsheıtý úshin qaýipti jerlerde – jaıaý júrginshiler ótkelderinde, balabaqshalar men mektepterdiń janynda, sondaı-aq aýlalarda kólikterdiń jyldamdyǵyn jasandy túrde tómendetý boıynsha sharalar qabyldaý usynylady. Aýdan ákimderine aýla aýmaqtaryn abattandyrý kezinde osy usynystardy eskerý tapsyryldy.

Budan ózge, qıylystardaǵy vızýaldy shýdy joıý úshin qazirgi kezde jarnama qurylǵylary jaýyp qalǵan jol belgilerine nazar aýdarý kerektigi aıtyldy. Megapolıs ákimi Baqytjan Saǵyntaevtyń tapsyrmasy boıynsha qala kóshelerine jarnama qabyrǵalaryn ornalastyrý erejeleri ázirlenedi.

Búginde qalada joldardyń jaǵdaıy, júrgizilip jatqan jóndeý jumystary, belgiler men jolaqtardyń ornalasýy týraly málimetter bazasy joq. Tsıfrlandyrý basqarmasyna ІT keńesimen birge ózekti derekterdi alýǵa, jol jumysshylarynyń, polıtsııanyń jumystaryn úılestiretin ári qaýipsizdikti kúsheıtý úshin jedel sheshim qabyldaýǵa yqpal etetin biryńǵaı onlaın platforma ázirleý tapsyryldy.

Kezdesý barysynda Vizion Zero baǵdarlamasyn ózektendirý, kólik strategııasyn jasaýdy jedeldetý jáne belsendi qoǵamdastyq pen qala bıligi arasyndaǵy ózara is-qımyl tıimdiligin arttyrý máseleleri sóz boldy.

Atalǵan jumystardy úılestirý jáne tıimdi sheshimderdi ázirleý úshin megapolıs ákimi janynan kólik keńesi qurylady, onyń quramyna sarapshylar, sala mamandary jáne qoǵam belsendileri enetin bolady.


Joǵary qaraı