Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda kólik urlap, ony bólshektep satyp kelgen qylmystyq top ustaldy

2021 jyldyń 16 qyrkúıek 2021 13:34

ALMATY. QazAqparat - Almatyda urlanǵan kólik quraldaryn bólshektep satýmen aınalysqan top ustaldy, dep habarlaıdy QazAqparat tilshisi.

Qalalyq krımınaldy polıtsııa qyzmetkerleri atalǵan qylmysqa qatysty buryn buzaqylyq jasaǵany úshin sottalǵan Jambyl oblysynyń 26 jastaǵy turǵynyn jáne osyǵan deıin eki ret sotty bolǵan 25 jastaǵy er adamdy ustady.

Olardy quryqtamas buryn tártip saqshylary kúdiktilerdiń árqaısysynyń atqaratyn qylmystyq áreketin arnaıy operatsııa barysynda zerdelep, urlanǵan kólik quraldaryn bólshektep satýǵa jaýapty adamdy anyqtady.

«Atalǵan qylmystyq top alty adamnan quralǵan. Olardyń úlkenderiniń jasy 47-de bolsa, eń jas kúdikti 25-te. Bulardyń barlyǵy ońaı jolmen paıda tabýdy kózdegen. Dálirek aıtqanda, eki kúdikti ózderin qala bazarlarynyń birinde qosalqy bólshekter satýmen aınalysatyn jeke kásipker retinde tanystyrǵan. Alaıda olardyń saýda núktelerinde tek qana urlanǵan kólik quraldarynyń qosalqy bólshekteri ǵana saýdalanǵan», – dedi Almaty qalasy PD krımınaldyq polıtsııa basqarmasynyń bastyǵy Qýatbek Naýatov.

Tergeý barysynda kúdiktilerdiń 10 kólik quralyn urlaǵany belgili boldy. Olar kóbine eski úlgidegi BMW, Lada, Nissan, Audi, Volkswagen kólikterin qoldy etip otyrǵan.

«Qazirgi tańda úsh avtokólik tolyǵymen anyqtalsa, qalǵan jeti kóliktiń qaıda jasyrylǵany anyqtalyp jatyr. Ustalǵandardyń sózinshe, olar kólikterdi kórshiles oblystarǵa aparyp úlgergen. Kúdiktiler qamaýǵa alyndy. Tergeý amaldary jalǵasýda», – dep atap ótti polıtsııa ókili.


Avtor Alma Muqanova
Basty sózder: Oqıǵa, Kólik, Almaty, Zań,
Joǵary qaraı