Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda kólikterdiń ekologııalyq normalarǵa sáıkestigin tekserip jatyr

2021 jyldyń 3 jeltoqsan 2021 11:36

ALMATY. QazAqparat – Almatyda jyljymaly ekobeketter kólikterdiń ekologııalyq normalarǵa sáıkestigin tekserip jatyr, dep habarlaıdy QazAqparat tilshisi.

Kún saıyn Jasyl ekonomıka basqarmasy men Polıtsııa departamentiniń qyzmetkerleri 11 ekıpajben jolǵa shyǵady.

Ekoposttardyń testilik rejımdegi jumysy barysynda 2550 kólik tekserildi, onyń ishinde 1193 kólik dızeldik otynmen, 1357 benzın men júrse, 589 kólikte paıdalanylǵan gaz mólsheri qalyptan asqan. Tekserilgen barlyq kóliktiń 23%-y - ekologııalyq normaǵa saı kelmeıdi.

Qurylys alańdarynda qorshaǵan ortany qorǵaý sharalaryn buzǵan 269 júk kóligi anyqtaldy.

Sonymen qatar «Ákimshilik quqyq buzýshylyq týraly» Kodekstiń 334-babyna sáıkes júris kezinde aýany lastaıtyn shyǵaryndylary men shýy bekitilgen normadan asyp túsetin kólik pen ózge de jyljymaly quraldardy paıdalanǵany úshin eskertý nemese jeke tulǵalarǵa 10, zańdy tulǵalarǵa 100 aılyq eseptik kórsetkish kóleminde aıyppul qarastyrylǵan.

Sondaı-aq, osy baptyń birinshi tarmaǵyna sáıkes, atalǵan quqyq buzýshylyq bir jyldyń ishinde taǵy qaıtalanǵan jaǵdaıda jeke tulǵalarǵa 20, zańdy tulǵalarǵa 200 aılyq eseptik kórsetkish kóleminde aıyppul salynady.

Eske salaıyq, qazirgi kezde Almatynyń kire beristerinde 19 ekopost ornatyldy. Onyń 15-i jumys istep tur. Qalǵany osy jyldyń aıaǵyna deıin iske qosylady.

Barlyq posttar arnaıy ólsheýish quraldarymen jáne beınebaqylaý kameralarymen jasaqtalǵan.

Qalalyq Polıtsııa departamenti «Ákimshilik quqyq buzýshylyq týraly» Kodekstiń 334-babyna sáıkes sońǵy on aı ishinde 18799 kólikke qatysty jalpy somasy 24 876 mln teńgege ákimshilik hattama toltyrǵan.

Monıtorıng ekologııalyq normalardyń buzylýy negizinen Talǵar, Qarasaı aýdandarynan keletin kólikterde kóp kezdesedi.


Avtor Alma Muqanova
Basty sózder: Kólik, Ekologııa, Almaty,
Joǵary qaraı