Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda kóliktiń ústine alyp aǵash qulady

2021 jyldyń 26 qarasha 2021 17:20

ALMATY. QazAqparat - Almatynyń ortalyǵynda eski alyp aǵash kólik ústine qulady, dep habarlaıdy QazAqparat tilshisi.

Onyń vıdeosy áleýmettik jelide tarap jatyr. Beınejazbadan alyp aǵashtyń jeńil kólikti basyp qalǵanyn kórýge bolady.

Oqıǵa 26 qarashada Gogol men Qaldaıaqov kósheleriniń qıylysynda bolǵan.

Qalalyq TJ departamentiniń málimetinshe, túski saǵat 13.19-da Medeý aýdanynyń polıtseılerinen habarlama túsken.

«TJD-ǵa Medeý aýdandyq polıtsııa basqarmasynan Qaldaıaqov kóshesi, 28-úıdiń janynda «Kıa RIO» markaly avtokóligine aǵash qulaǵany týraly habarlama kelip tústi. Qaza bolǵandar men zardap shekkender joq. Oqıǵa ornyna Almaty qalasy ákiminiń apparaty, «Almaty Tazalyq» JShS, 109 qutqarý qyzmetiniń mamandary dereý jumyldyryldy. Qazirgi ýaqytta joldyń júrý bóligin tazartý jumystary aıaqtalyp, oqıǵanyń mán-jaıy anyqtalyp jatyr,- dep habarlady vedomstvadan.


Avtor Alma Muqanova
Basty sózder: Oqıǵa, Almaty, Kólik,
Joǵary qaraı