Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda kópqabatty avtoturaqtar salynbaq – ákimdik

2022 jyldyń 24 mamyr 2022 01:21

ALMATY. QazAqparat – Aldaǵy ýaqytta Almatyda halyqaralyq tájirıbeni qoldana otyryp, turaq keńistigin damytý men aqyly turaqtardan túsetin túsimdi kósheler men aýlalardy abattandyrý úshin paıdalaný tujyrymdamasyn ázirleý josparlanýda. Bul rette qalada qordalanǵan máselelerdi sheshý baǵytynda kópqabatty avtoturaqtardy salý jospary basymdyqqa ıe. Bul týraly qalalyq ákimdiktiń QazAqparat tilshisiniń saýalyna bergen jaýabynda málim boldy.

Ákimdiktiń habarlaýynsha, búginde Almaty qalasynyń ákimdigine kompanııa ıelerinen «Almaty spetstehparkıng servıs» JShS-niń 70% mólsherindegi jáne Alan Parking JShS-niń 100% úlesin qala menshigine qaıtarý týraly usynystar engizildi.
«Almatyda aqyly turaqtar júıesi qazir shtattyq rejımde jumys isteıdi. Bul turaq ýaqytyna aqy tóleý qajettiligin bildiredi. Kompanııalardaǵy úlesti kommýnaldyq menshikke bergen soń, turaq aımaqtaryn uıymdastyrý jáne baǵa saıasaty máselesi qaralatyn bolady»,- delinedi ákimdiktiń habarlamasynda.
Sondaı-aq, búginde almatylyqtar turaq aımaqtarynyń tehnıkalyq jaı-kúıine, tańbalaý men arnaıy taný belgileriniń bolmaýy, tólem jasaý kezindegi qatelikter, ýaqyttyń durys eseptelmeýi, turaq keńistiginiń jetkiliksizdigine jáne t.b. shaǵymdanýda eken.
«Turǵyndardyń aqyly avtoturaqtardyń qyzmetin uıymdastyrýǵa qatysty shaǵymdary taldanýda. Turǵyndardyń ótinishteri muqııat taldanǵan soń, aqyly turaqtardyń jumysyn jetildirý úshin keshendi sharalar qabyldanatyn bolady. Bul týraly BAQ-ta qosymsha habarlanady», - dep málim etti ákimdikten.
Aıta keteıik, búgingi kúni Almatyda alańdyq jáne jaıaýjoldyq úlgidegi aqyly turaqtardy uıymdastyrý úshin bólingen jer ýchaskeleri jeke menshikke berilgen joq.
Eske salaıyq, osyǵan deıin Almatyda aqyly avtoturaqtar qalanyń menshigine qaıtarylǵany týraly habarlaǵan bolatynbyz.


Avtor Dýman Arǵyngeldi
Basty sózder: Kólik, Jol, Almaty,
Joǵary qaraı