Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda koronavırýs juqtyrǵandar sany artýda

2021 jyldyń 22 sáýir 2021 10:44

ALMATY. QazAqparat - Almatyda koronavırýs juqtyrǵan 3 768 naýqas em qabyldap jatyr. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.

Búgin tańerteńgi aqparat boıynsha 695 adamnyń koronavırýs juqtyrǵany anyqtaldy. Munyń ishinde 632-i sımptomdy, jeńil jáne ortasha deńgeıdegi belgilermen, 63 -i sımptomsyz aýyrǵan.

«Infektsııalyq statsıonarlarda 3 768 adam bar (tósek-orynnyń jalpy sany 6 060), onyń ishinde 98 bala emdelýde. 920 eresek adam aýyr hálde jatyr, 2 848 naýqas ortasha aýyr jaǵdaıda em qabyldaýda», – dep naqtylady qoǵamdyq densaýlyq basqarmasynyń baspasóz qyzmeti.

Sondaı-aq, reanımatsııa jáne qarqyndy terapııa bóliminde 240 adam jatyr. Al 27 naýqas jasandy tynys alý apparatyna qosylyp, ınvazıvti emes jasandy tynys alý apparatynda 95 adam em qabyldaýdy jalǵastyrýda.

Medıtsına-sanıtarııalyq alǵashqy kómek mobıldi brıgadalary men telemedıtsına ortalyǵynyń ambýlatorııalyq baqylaýynda 5 950 patsıent bar. Onyń ishinde 5266 adamda aýrý belgileri bar, olar ortasha aýyr jaǵdaıda. 684 adamda aýrý belgileri joq.


Avtor Alma Muqanova
Basty sózder: Almaty, Koronavırýs, Medıtsına,
Joǵary qaraı