Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda koronavırýs juqtyrǵanyna qaramastan kınoteatrǵa barǵan qyz aıyppul tóleıdi

2021 jyldyń 16 maýsym 2021 17:53

ALMATY. QazAqparat- Almatyda «qyzyl» mártebesi bar turǵynǵa kınoteatrǵa barǵany úshin aıyppul salyndy. Bul týraly qalalyq epıdemıologııalyq baqylaý departamenti basshysynyń orynbasary Sádýaqas Baıǵubylov málim etti, dep habarlaıdy QazAqparat tilshisi.

«PTR-synamasy oń nátıje kórsetken Almaty qalasynyń turǵyny 14 kúndik karantın rejımin buzyp, kınoteatrlardyń birine barǵan. Biraq QR-kodty skanerlegen kezde qyzdyń Ashyq qosymshasy «qyzyl» mártebe kórsetken. Osylaısha, ol kınoteatrǵa kire almady»,- deıdi Almaty qalalyq sanıtarııalyq-epıdemıologııalyq baqylaý departamenti basshysynyń orynbasary Sádýaqas Baıǵabylov.

Turǵynǵa qatysty oqshaýlaý rejımin buzǵany úshin Túrksib aýdany boıynsha sanıtarııa dárigerleri QR ÁQBtK 425-baby boıynsha ákimshilik is qozǵady.

Baptyń sanktsııasy 30 AEK mólsherinde aıyppul salýdy kózdeıdi.

«PTR-synamasy oń nátıje kórsetken almatylyqtardy 14 kúndik karantın rejımin saqtaýǵa shaqyramyz. Bul turǵyndar arasynda koronavırýs ınfektsııasynyń taralýyn azaıtýǵa jáne «jasyl» aımaqta turaqty túrde qalýǵa múmkindik beredi», - dedi Sádýaqas Baıǵabylov.



Avtor Alma Muqanova
Basty sózder: Karantın, Qaýipsizdik, Almaty, Oqıǵa,
Joǵary qaraı