Almatyda koronavırýspen kúresken dárigerlerdiń qurmetine eskertkish ashylady
ALMATY. QazAqparat - Almaty ákimi Baqytjan Saǵyntaev monýment qoıylatyn jerge tas ornatýǵa qatysty, dep habarlaıdy QazAqparat tilshisi.
Baqytjan Saǵyntaev Instagram paraqshasynda eskertkish medıtsına qyzmetkerlerine degen alǵystyń sımvolyna aınalatynyn atap ótti.
«Búgin Almatynyń medıtsına men jazýshylar qaýymdastyǵynyń ókilderimen dárigerlerge arnalǵan eskertkishtiń negizine tas ornattyq. Eskertkish KVI pandemııasymen kúresken barlyq medıtsına qyzmetkerlerine kórsetilgen qurmet pen alǵystyń belgisi. Sondaı-aq olardyń qurmetine qaraǵaı alleıasy otyrǵyzyldy» dep jazdy Almaty ákimi B. Saǵyntaev.
Eskertkish S. D. Asfendııarov atyndaǵy Qazaq ulttyq medıtsınalyq ýnıversıtetiniń janyndaǵy alleıada ashylady.
Munda 20 qaraǵaı kósheti otyrǵyzyldy.
Qazaqstan Jazýshylar odaǵynyń tóraǵasy U. Esdáýlet, Almatydaǵy QHA-sy Qoǵamdyq kelisim keńesiniń tóraǵasy A. Shardınov, aqyn A. Elgezek, №7 qalalyq klınıkalyq aýrýhananyń dárigeri J. Sherııazdan eskertkishtiń ashylýyn qoldap sóz sóıledi.
