Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda «kreatıvti kvartal» jańa jobasy iske qosyldy

2021 jyldyń 22 qyrkúıek 2021 17:27

ALMATY. QazAqparat - Almatyda «kreatıvti kvartal» jańa jobasy iske qosyldy. Bul týraly Almaty qalasy Kreatıvti ındýstrııa basqarmasynyń basshysy Qaısar Sarybaev málim etti, dep habarlaıdy QazAqparat tilshisi.

Onyń aıtýynsha, «kreatıvti kvartal» Almatyda kópfýnktsıonaldy mádenı jáne iskerlik keńistikke aınalady.

«Bul kreatıvti jáne shyǵarmashyl kásipkerlerdiń bıznes-ıdeıalaryn júzege asyrýǵa jaǵdaı jasaıtyn biregeı joba. Óner galereıalary, sán bıýrolary, qolónershilerdiń bazarlary úshin rezıdentsııalardy uıymdastyrý, sheberlik sabaqtaryn ótkizý oryndary, shyǵarmashylyq ındýstrııalar men basqa da shyǵarmashylyq keńistikterdiń ónimderi men qyzmetterin jarnamalaý boıynsha is-sharalar uıymdastyrý josparlanýda», - dedi basqarma basshysy.

Bul jerde sondaı-aq kreatıvti kásipkerlikti qoldaý ortalyǵy men basqa da qyzmetter ornalastyrylady.

Al «Almaty Creative Class» onlaın bilim berý platformasynyń iske qosylýy shyǵarmashylyq adamdarǵa óz talanty boıynsha aqsha tabýdy úırenýge, jańa baǵyttar men aralas mamandyqtardy ashýǵa múmkindik beredi.

«Máselen, Almatyda kreatıvti strategııany iske asyrý aıasynda 2020 jyldyń jeltoqsanynda Alataý aýdanynda Alatau Creative Hub ashyldy. Oǵan kovorkıng alańy, balalarǵa arnalǵan 25 tegin shyǵarmashylyq úıirme, sheberhana alańy kiredi. Jyl basynan beri kelýshilerdiń jalpy sany 100 myńnan asty. Mýzyka ónerine basa nazar aýdaratyn jastardyń Medeu Creative Hub ortalyǵyn ashý josparda, DEPO Evolution Park qurylysy júrip jatyr, ıaǵnı kreatıvti ındýstrııalardyń jobalaryn iske asyrý úshin alań qurylatyn bolady», - dedi ol.


Avtor Alma Muqanova
Basty sózder: Almaty, Kásipkerlik, bıznes,
Joǵary qaraı