Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda kúrdeli jóndeýden soń qalalyq beıimdeý oralyǵy qyzmetin qaıta bastady

2021 jyldyń 2 naýryz 2021 13:27

ALMATY. QazAqparat - Almatydaǵy múmkindigi shekteýli balalardy beıimdeý ortalyǵy janyndaǵy psıho-medıtsınalyq-pedagogıkalyq komıssııa (PMPK) jáne psıhologııalyq - pedagogıkalyq kabınet kúrdeli jóndeýden keıin jumysyn qaıta bastady, dep habarlaıdy QazAqparat tilshisi.

Beıimdeý ortalyǵynda 17 bólim bar.

«Túrksib aýdanyndaǵy Fızýlı kóshesinde ornalasqan №3 psıho-medıtsınalyq-pedagogıkalyq komıssııa (PMPK) jáne psıhologııalyq - pedagogıkalyq kabınetteri byltyr maýsym aıynda kúrdeli jóndeýden ótti. Jóndeý júrip jatsa da, biz jumysymyzdy toqtatpadyq. Óıtkeni, PMPK jáne KPPK jyl boıyna qyzmet kórsetedi. Sol sebepti №89 mektepte ýaqytsha ornalastyq. Bizge qolushyn berip, kabınet bólgen mektep dırektory Qarlyǵash Serǵazyqyzyna alǵysymyzdy bildiremiz»,- dedi «Almaty qalalyq Múmkindigi shekteýli balalardy beıimdeý ortalyǵy» MM dırektory Qarlyǵash Shaıjanova.

Onyń aıtýynsha 8 aı boıy ǵımarattyń seısmologııalyq turaqtylyǵy qamtamasyz etilip, jertóleler tazartyldy, jylý qubyrlary aýysty.




Sondaı-aq, shatyrlardy qalpyna keltirilip, múmkindigi shekteýli balalarǵa arnalǵan ájethana ornatyldy.

Bul ǵımarat 1992 jyldan bastap jumys isteıdi. Munda jańa týǵan náresteden bastap 18 jasqa deıingiler medıtsınalyq kómek alady. Júıke-júıesinde, psıhologııalyq damýynda aqaýy bar, aýtıst, nevrologııalyq syrqaty bar balalar, estý jáne kórý qabiletteri tómen balalar em alady.

«PMPK – balalardy tekserip, dıagnozyn qoıyp, qorytyndy shyǵaryp, tıisti mekemelerge joldama beredi. Al KPPK – PMPK jasaǵan qortyndyǵa saı psıhologııalyq-pedagogıkalyq kómek kórsetedi. Arnaıy korrektsııalyq top toptastyrady. Toppen jáne jeke jumys jasaıdy. Bul - Almaty boıynsha tegin qyzmet kórsetetin jalǵyz beıimdeý ortalyǵy. Biraq, bizdiń mekeme jaqynda qaıta qurylady»,-dedi ortalyq basshysy.

Dırektordyń aıtýynsha, qaıta qurylǵannan keıin mekeme ońaltý ortalyǵy dep atalmaıdy. Mundaǵy barlyq bólimsheler óz aldyna jeke-jeke zańdy mekeme bolady.

«Mysalǵa, Túrksib aýdandyq PMPK, Túrksib aýdandyq KPPK bolyp atalady. Dál búgingideı bútin bir ortalyq bolmaıdy. Árıne, Almaty qalalyq ákimdigi men QR Bilim jáne ǵylym Mınıstrligi jas ereksheligine qaraı beıimdeý ortalyǵyn ashý týraly usynysty qarap kórse dep oılaımyz. Tek sonda ǵana múmkindigi shekteýli nemese erekshe kútimdi qajet etetin bala bolsyn, eresek adam bolsyn keshendi túrde em alatyn edi. Mundaı keshendi emniń nátıjesi áldeqaıda joǵary bolady», - deıdi Qarlyǵash Shaıjanova.














Avtor Gúlmıra Ǵosmanálı
Basty sózder: Almaty, Medıtsına, Bilim,
Joǵary qaraı