Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda qurylys alańynda jumysshy áıeldi zorlaǵan brıgadırge úkim shyqty

2021 jyldyń 8 qazan 2021 13:45

ALMATY. QazAqparat - Almatyda osy jyldyń kókteminde qurylys alańynda jumysshy áıeldi zorlaǵan brıgadırge qatysty sot úkim shyqty, dep habarlaıdy QazAqparat tilshisi.

Kináli dep tanylǵan J. esimdi azamatqa qatysty qylmystyq is Almaty qalasy Bostandyq aýdanynyń №2 aýdandyq sotynda qaraldy.

Bıylǵy jyldyń naýryz aıynda aıyptalýshy J. jábirlenýshi A-ny kezdesýge shaqyrady.

Qurylys alańynda jumys isteıtin ekeýi konteıner túrindegi úıde kezdesip, ishimdik ishken, sodan keıin sottalýshy jábirlenýshini zorlaǵan.

Sottalýshy sotta óz kinásin moıyndaǵan joq. Jábirlenýshi sottan ony bas bostandyǵynan aıyrýdy surady. Al prokýror 7 jylǵa sottaýdy surady.

«Sot úkimimen J. kináli dep tanylyp, 5 jylǵa bas bostandyǵynan aıyryldy. Sot onyń buǵan deıin isti bolmaǵanyn jáne qart anasy men kámelet jasyna tolmaǵan balalary baryn eskerdi. Úkim zańdy kúshine engen joq», - dep habarlady aýdandyq sottyń baspasóz qyzmeti.


Avtor Alma Muqanova
Basty sózder: Oqıǵa, Zań, Zorlyq-zombylyq, Almaty, Sot,
Joǵary qaraı