Aýa raıy
Astana 11 °S
Almaty 11 °S
valıýta baǵamy
USD 412.55
EUR 468.66
RUB 5.79
CNY 58.80

Almatyda KVI juqtyrǵan jas bosanǵan áıel aýyr halde jatyr

2020 jyldyń 6 tamyz 2020 15:55

ALMATY. QazAqparat – Almatyda «Perınatologııa jáne balalar kardıohırýrgııasy ortalyǵynda» jas bosanǵan ana aýyr halde jatyr. Bul týraly onlaın brıfıng barysynda ortalyqtyń dırektory Ǵanı Bodyqov aıtty, dep habarlaıdy QazAqparat tilshisi.

«Búginde bosanǵannan keıingi ınfektsııalyq bólimde bir ana ortalyqtyń jansaqtaý bóliminde eki jaqty pnevmonııamen qosa preeklampsııanyń aýyr dárejesimen jatyr. Qazir jaǵdaıy turaqty, ózdiginen tynys alyp jatyr. Júkti áıelderde pnevmonııa men koronavırýs ınfektsııasyn emdeýdiń qıyndyǵy, júktilik aýyr akýsherlik patologııa aıasynda órship ketetindiginde. Sonymen qatar juqpaly aýrýdyń uryqqa juqtyrýdyń óte joǵary ekendigin este ustaý kerek», - dedi Ǵanı Bodyqov.

Perınatologııa jáne balalar kardıohırýrgııasy ortalyǵynda JRVI nemese COVID-19 belgisri bar emdelýshilerge arnap ınfektsııalyq-dıspanserlik bólim uıymdastyryldy. Ol jeke qabyldaý bólimshesi bar bólek eki qabatty ǵımaratta ornalasqan.

«Onda jekelengen bosanýǵa deıingi jáne bosaný bólimi, bosanǵannan keıingi bólim, 5 reanımatsııa jáne neonataldy bólim kiredi. onda kez-kelgen klınıkalyq jaǵdaıǵa arnalǵan jabdyqtar jáne shyǵyn materıaldarymen tolyq qamtamasyz etilgen, qajet bolsa hırýrgııalyq kómek kórsetý sharasy da qarastyrylǵan. Bólimde anestezııa jáne tynys alý apparattary, ottegi pýnkti, bosaný jáne operatsııalar úshin fýnktsıonaldy kereýet, tótenshe jaǵdaıda kómek kórsetýge arnalǵan jınaqtarmen (akýsherlik qan ketý, preeklampsııa, anafılaktıkalyq shok, neonataldy reanımatsııa) jabdyqtalǵan», - dedi spıker.

Dırektordyń aıtýynsha, eki aptada bul bólimde 41 syrqat emdelgen. 16 ana bosanyp, onyń ishinde 9 náreste kesar tiligi arqyly dúnıege keldi. Jalpy 33 naýqas tolyq em alyp jazylyp shyqty. Náresteler arasynda PTR taldaýy barlyǵynda teris shyqqan.


Joǵary qaraı