Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda mádenıet jáne sport nysandary qalaı jumys istep jatyr

2022 jyldyń 24 qańtar 2022 12:53

ALMATY. QazAqparat - Almatyda búginde qalanyń barlyq uıymdary men sport nysandary shtattyq rejımde jumys isteýde. Bul týraly Almatynyń tynys-tirshiligin qalpyna keltirý jónindegi shtab otyrysynda qala ákiminiń orynbasary Erjan Babaqumarov aıtty, dep habarlaıdy QazAqparat tilshisi.

Onyń aıtýynsha, búgingi kúni Almaty qalasynyń Bas memlekettik sanıtarlyq dárigeriniń jańa qaýlysyna sáıkes, barlyq sport nysandary men uıymdar shtattyq rejımde jumys istep tur, oqý-jattyǵý protsesteri qaıta jandandy.

Búginde Almatyda 19 teatr jumys isteıdi, onyń 10-y memlekettik jáne 9-y jekemenshik. Barlyǵy – 10 kontserttik-oıyn-saýyq, demalys uıymdary, onyń ishinde 6 respýblıkalyq jáne 4 qalalyq uıymdar. Almaty qalasynyń Bas memlekettik sanıtarlyq dárigeriniń qaýlysyna sáıkes, barlyq mádenıet jáne óner mekemelerinde is-sharalar ótkizý toqtatyldy. Mádenıet basqarmasynyń vedomstvolyq baǵynyshty mekemeleri shekteýli jumys rejımine kóshti – shtattyq qyzmetkerlerdiń 70-80% onlaın jumys isteıdi. Oflaın rejımde tek Almaty qalasynda zoobaq pen muraǵat jumys isteıdi.

Almatyda sanıtarlyq-epıdemıologııalyq ahýaldyń nasharlaýyna baılanysty ǵıbadat obektilerinde (meshitter, shirkeýler, hramdar jáne taǵy basqa) ujymdyq qulshylyq etýge (juma namazy, jeksenbi jınalystary jáne ózgesi) tyıym salynǵan.

Erjan Babaqumarov qalanyń volonterlik uıymdarynyń jumysy týraly aıta kelip, bıylǵy 10 qańtardan bastap qalalyq volonterlik shtabtyń jumysy bastalǵanyn atap ótti. Munda 800-den astam qońyraý túsken. Shtab 10-21 qańtar aralyǵynda jataqhanalarǵa, kommýnaldyq qyzmetterge, jataqhanada turatyn stýdentterge, áskerı qyzmetshiler men balalar úıiniń tárbıelenýshilerine 7 myńnan astam ystyq tamaq tasymaldady. Sondaı-aq muqtaj almatylyqtarǵa 500-ge jýyq azyq-túlik paketi taratyldy.

Almaty qalasynyń etnomádenı birlestikteri quqyq qorǵaý organdarynyń, 4-shi qalalyq aýrýhananyń jáne basqa da qalalyq aýrýhanalardyń qyzmetkerlerine 5,5 mln teńgege azyq-túlik sebeti túrinde qaıyrymdylyq kómek kórsetti.


Joǵary qaraı