Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda maýsym aıynda jańa eki metro beketi ashylady

2022 jyldyń 12 mamyr 2022 15:56

ALMATY. QazAqparat- Áýezov aýdanynda ornalasqan «Saryarqa» jáne «Momyshuly» beketteri maýsym aıynda ashylady. Bul týraly Almaty qalasynyń ákimi Erbolat Dosaev aıtty, dep habarlaıdy QazAqparat tilshisi.

«Maýsym aıynda jańa eki metrony iske qosamyz. Olar «Saryarqa» jáne «Momyshuly» beketteri. Bul metropolıtenniń táýliktik jolaýshylar aǵynyn 40 myńnan 86 myńǵa deıin arttyrady», – dedi Almaty ákimi Erbolat Dosaev Áýezov aýdany turǵyndarymen kezdesýinde.

Eske salaıyq, byltyr jeltoqsan aıynda atalǵan eki metro stantsııasy tehnıkalyq tekserýden ótken bolatyn.

«Saryarqa» stantsııasy «Femılı» parkiniń aýdanynda ornalasqan, tereń tóselgen, pılon tıpti, qozǵalysy shekteýli toptar úshin 2 lıfti, 8 ekskalatory bar eki kirý tobynan turady.

«B. Momyshuly» stantsııasy Abaı dańǵylynyń astynda, B. Momyshuly kóshesiniń batysynda ornalasqan. Shaǵyn qurylys stantsııasy, kolonna tıpti. Ol eki jerasty lobbıinen jáne alty kirý tobynan turady, 6 lıft jáne 15 eskalator qarastyrylǵan.


Avtor Alma Muqanova
Basty sózder: Almaty, Kólik, Ákim,
Joǵary qaraı