Aýa raıy
Astana 9 °S
Almaty 11 °S
valıýta baǵamy
USD 412.55
EUR 468.66
RUB 5.79
CNY 58.80

Almatyda medıtsınalyq oqý ornyn bitirgender aýrýhanalarda tájirıbeden ótedi

2020 jyldyń 4 tamyz 2020 14:16

ALMATY.QazAqparat - Almatyda JOO jáne kolledjderde oqyǵan jastar ınfektsııalyq statsıonarlarda óndiristik jáne jazǵy praktıkadan ótetin bolady. Bul týraly Almaty qalasy Joǵary medıtsınalyq kolledjiniń dırektory Svetlana Sultanǵazıeva onlaın brıfıng barysynda aıtty, dep habarlaıdy QazAqparat tilshisi.

«JOO jáne kolledjderde oqyǵan jastar ınfektsııalyq statsıonarlarda óndiristik jáne jazǵy praktıkadan ótetin bolady. Sondaı-aq, JOO-nyń ınternderi, rezıdentteri, stýdentteri jáne professorlyq-oqytýshylyq quramy tartyldy. Mysaly, patsıentterdi baqylaý ortalyǵynda professorlar men oqytýshylar quramy jumys isteıdi. Volonterlerden júk tıeýshi, júrgizýshi jáne taǵy basqa retinde tartylatyn quram jınaqtaldy», - deıdi Svetlana Sultanǵazıeva.

Onyń aıtýynsha, medıtsınalyq JOO men kolledj túlekteri úshin birqatar tıimdi shara qabyldanǵan. ıAǵnı maman sertıfıkattaryn alý, jumysqa qabyldaý jeńildetilgen (qujattar sany azaıtyldy), ınfektsııalyq statsıonarlarǵa jumys isteýge ruqsat retinde COVID-19 oqytý boıynsha sertıfıkattar jaramdy bolyp tabylady.

«Stýdentter úshin motıvatsııany arttyrý, mysaly, rezıdentýraǵa konkýrstan tys qabyldaý sharasy qolǵa alynǵan»,– dep atap ótti spıker.


Avtor Alma Muqanova
Basty sózder: Medıtsına, Almaty, JOO-lar,
Joǵary qaraı