Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda memleket qajettiligi úshin 54 jer ýchaskesi satyp alyndy

2020 jyldyń 21 qazan 2020 18:03

ALMATY. QazAqparat - Almatyda osy jyldyń toǵyz aıynda memleket qajettiligi úshin 54 jer ýchaskesi satyp alyndy. Bul týraly onlaın brıfıng barysynda qalalyq Jer qatynastary basqarmasynyń basshysy Ardaq Samambetov málim etti, dep habarlaıdy QazAqparat tilshisi.

Onyń aıtýynsha, jobalardy júzege asyrý úshin jer satyp alý tolyǵymen aıaqtaldy.

«Jyl basynan beri Almatyda jer komıssııasynyń 27 jıyny ótti, onda zańdy jáne jeke tulǵalardyń 3680 ótinishi qaraldy. Nátıjesinde ótinishterdiń 73 paıyzy oń sheshimin tapty. Oǵan qosa Almaty ákimdiginiń 515 jarlyǵy shyqty. 2019 jyly bul kórsetkish 2 myńnan asqan edi. Sonymen qatar memlekettik qajettilik úshin jer ýchaskelerin satyp alý júrgizilýde. Bıyl biz 54 jer ýchaskesin satyp aldyq, olar «Darhan» yqshamaýdanyna mektep salý úshin, BRT jobasyna, aınalma kópir salý sııaqty mańyzdy ınfraqurylymdyq jobalarǵa alyndy. Jer ýchaskelerin satyp alý bıýdjeti bıyl 1,8 esege artty», - dedi Ardaq Samambetov.

Sonymen qatar, ol bıyl problemalyq kredıt boıynsha bankke tıesili bolǵan 383,5 gektar jer qalaǵa berilgenin atap ótti.


Avtor Alma Muqanova
Basty sózder: Aımaq, Almaty, Ákimdik, Jer máselesi,
Joǵary qaraı