Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda metro bekettiń janynan oq-dáriler tabyldy

2022 jyldyń 28 qańtar 2022 17:11

ALMATY. QazAqparat - «Abaı» metrobeketine jaqyn ornalasqan shyrshalardyń túbinen oq-dáriler tabyldy. Olardy polıtsııanyń «Dozor» esimdi ıti tapty, dep habarlaıdy QazAqparat tilshisi.

«Túske taman ınspektor-kınolog «Abaı» beketine irgeles aýmaqty aralap shyqty. Bir kezde jarylǵysh zattardy izdeýge mashyqtanǵan qyzmettik ıt ıisti sezip, seriktesin shyrshalary bar alańǵa jeteledi. Onyń biriniń astynan 5,45 kalıbrli Kalashnıkov avtomatynyń 30 dana patrony jáne eki birlik jaryqshýly granata tabyldy. Oq-dárini Medeý aýdandyq Polıtsııa basqarmasynyń jedel-tergeý toby protsessýaldyq tártipte tárkiledi. Olardyń naqty kimge tıesili ekeni tergeý barysynda anyqtalady», – dedi Metropolıtendegi Polıtsııa basqarmasynyń bastyǵy Erik Nasyrbekov.

Eske salsaq, buǵan deıin Іshki ister mınıstrligi halyqqa jarylǵysh zarttar men oq-dári taýyp alǵan jaǵdaıda ne isteý kerektigi jaıynda aıtqan bolatyn.



Avtor Dýman Arǵyngeldi
Basty sózder: Oqıǵa, Qoǵam, Almaty,
Joǵary qaraı