Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda metro men saýda ortalyǵynda prank jasaǵan jigit 10 táýlikke qamaýǵa alyndy

2022 jyldyń 28 qańtar 2022 17:24

ALMATY. QazAqparat - Almatyda metro men saýda ortalyǵynda prank jasaǵan jigit 10 táýlikke qamaýǵa alyndy, dep habarlaıdy QazAqparat tilshisi.

Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotynda azamat A-ǵa qatysty ákimshilik isi qaraldy.

Sotpen anyqtalǵany, azamat A. «Mega Senter» oıyn-saýyq ortalyǵynda qoǵamdyq tártipti jáne jeke tulǵalardyń tynyshtyǵyn buzyp, ústindegi kıimin sheship tastap, prank jasap, vıdeo túsirgen, ıaǵnı ústeldiń ústine shyǵyp qatty daýyspen aıqaılaǵan, osy áreketterimen aınalasyndaǵylardyń narazylyǵyn týdyrdy.

Sot barysynda azamat A. óziniń ákimshilik quqyq buzýshylyq jasaǵany úshin kinásin tolyq moıyndap, jasaǵan is áreketine ókindi.

Sot oǵan 10 táýlik merzimge ákimshilik qamaýǵa alý túrindegi ákimshilik sharasyn taǵaıyndady.

«ÁQBtK-niń 434 baby 1 tarmaǵy boıynsha usaq buzaqylyq, ıaǵnı qoǵamdyq oryndarda bylapyt sóıleý, jeke tulǵalarǵa qorlap tıisý, turǵyn úı-jaılardy qorlaý jáne aınalasyndaǵylarǵa syılamaýshylyqty bildiretin, qoǵamdyq tártipti jáne jeke tulǵalardyń tynyshtyǵyn buzatyn basqa da osyndaı áreketter- bes aılyq eseptik kórsetkish mólsherinde aıyppul salýǵa ne on táýlikke deıingi merzimge ákimshilik qamaqqa alýǵa ákep soǵady», - dep túsindirdi Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq soty.

Qaýly zańdy kúshine engen joq.

Buǵan deıin Almaty polıtsııasy metro men saýda ortalyǵynda prank jasaǵan jigitti izdep jatqany týraly habarlaǵan bolatynbyz.



Avtor Alma Muqanova
Basty sózder: Qylmyspen kúres, Almaty, Qoǵam,
Joǵary qaraı