Aýa raıy
Astana 5 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda metro stansalarynyń qurylys qarqyny qandaı

2020 jyldyń 11 tamyz 2020 18:49

ALMATY. QazAqparat– Almaty qalalyq Mobıldilik basqarmasy basshysynyń orynbasary Ernur Abjahan metro qurylysynyń barysy týraly aıtyp berdi, dep habarlaıdy QazAqparat tilshisi.

«Qazir metropolıtenniń birinshi jelisi ekinshi kezeginiń ekinshi iske qosý keshenin salý jumystary jalǵasýda. Ol «Dostyq» jáne «Saryarqa» stantsııalaryn jáne batys baǵyttaǵy Abaı dańǵyly boıymen Altynsarın dańǵylynan Momyshuly kóshesine deıingi uzyndyǵy 3,1 shaqyrym metro jelisin qamtıdy. Qurylys jumystaryn aıaqtaý 2021 jyldyń sońyna josparlanǵan. Qazir jumys kestege saı júrip jatyr. Qarjylandyrý da qamtamasyz etilgen, - dedi ol.

Bıyl sondaı-aq metronyń úshinshi iske qosý kesheniniń qurylysy bastaldy. Ol - Abaı dańǵyly boıynan ıAsaýı kóshesinen Áshimov kóshesine deıin. Sonymen qatar Qalqaman shaǵynaýdanynda Áshimov kóshesiniń boıymen soltústik baǵytta, uzyndyǵy 2,4 shaqyrym, ıaǵnı, «Dostyq» – «Qalqaman» jelisi qarastyrylǵan.

«Úshinshi iske qosý kesheniniń qurylysy endi bastaldy. Jumystar úsh jylǵa josparlanǵan. Ol jerde Qarǵaly ózeni arqyly ótetin tonnelderdiń ýchaskesi bar. Sol jerde bekitý jumystary júrgizilýde. Odan bólek, jeldetkish uńǵyma qarastyrylǵan. Mine, osylar boıynsha jumystar bastaldy», - deıdi Ernur Abjahan.

Avtor Alma Muqanova
Basty sózder: Qurylys, Almaty, Aımaq,
Joǵary qaraı