Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda metronyń jańa stantsııalary ashylady

2022 jyldyń 28 mamyr 2022 16:33

ALMATY. QazAqparat - Almaty qalasynda «Saryarqa» jáne «Baýyrjan Momyshuly» metro stantsııalary iske qosylady, dep habarlaıdy QazAqparat ákimdiktiń resmı saıtyna silteme jasap.

Olar qazirgi qyzmet kórsetip turǵan toǵyz stantsııanyń jalǵasy retinde qala ortalyǵyn shetki aýdandarmen baılanystyrady.

«Eki jańa stantsııa iske qosylǵannan keıin metro jelisiniń jalpy uzyndyǵy 3,1 shaqyrymǵa uzaryp, endi 13,4 shaqyrymdy quraıtyn bolady. Jeli boıyna 7-10 mınýt saıyn júretin tórt vagondy 15 elektr poıyzyn jiberý josparlanǵan. Qazirgi tańda metro kúnine 45 myńǵa jýyq jolaýshy tasymaldaıdy. Jańa stantsııalar iske qosylǵannan keıin bul kórsetkish kúnine 85 myń jolaýshyǵa deıin ósedi dep kútilýde», - dep jazylǵan aqparat kózinde.

«Máskeýden» keıingi «Saryarqa» stantsııasy Abaı dańǵyly boıynda Altynsarın dańǵyly men Saın kósheleriniń aralyǵynda – Family Park mańynda ornalasqan. Tereń salynǵan, eki kireberisi men bir vestıbıýli bar. Stantsııada eki jedelsaty men segiz eskalator ornatylǵan. Interer jasaý kezindegi negizgi ıdeıa – Saryarqanyń sheksiz keń dalasynyń ásemdigin kórsetý. Qabyrǵalary mármár tastardan qurastyrylyp, granıtpen órnektelgen. Shetki jaǵyndaǵy qabyrǵada jazyq dalanyń ústinen shyǵyp kele jatqan kún, onyń bergi jaǵynda Qazaqstan astanasy beınesi mańynda shaýyp kele jatqan júırik attar beınelengen panno ornatylǵan.




«Baýyrjan Momyshuly» stantsııasy Abaı dańǵyly boıynda Momyshuly kóshesiniń batysynda ornalasqan. Taıaz ornalasqan, eki vestıbıýl men alty kireberisi bar. Stantsııada alty jedelsaty men on bes eskolator ornatylǵan. Platforma uzyndyǵy – 108 metr. Almaty metro jelisiniń on birinshi stantsııasy ázirge sońǵy stantsııa bolyp sanalady», - delingen jazbada.

Stantsııa úlken turǵyn alaptyń ortasynda ornalasqan. Qabyrǵalar men tireýishterdi bezendirý úshin ashyq reńkti marjan-sur tústi aǵash tektes keramıkalyq panelder, al edendi qaptaýǵa – ashyq sur tústi tabıǵı granıt paıdalanylǵan.

Saıttyń málimetinshe, bolashaqta «Qalqaman» stantsııasy qurylysyn aıaqtap, metrony batys baǵytta «Barlyq» bazaryna deıin damytý josparlanǵan.

Buǵan deıin Almaty qalasynyń ákimi Erbolat Dosaev Áýezov aýdanynda ornalasqan «Saryarqa» jáne «Momyshuly» beketteri maýsym aıynda ashylatynyn aıtqan edi.































Avtor Alma Muqanova
Basty sózder: Jol, Almaty,
Joǵary qaraı