Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda «Meıirim kerýeni» baıqaýyna ótinim qabyldaý bastaldy

2021 jyldyń 1 qazan 2021 20:38

ALMATY. QazAqparat- Almatyda qaıyrymdylyqty nasıhattaýǵa baǵyttalǵan «Meıirim kerýeni» jobasy bastaldy, dep habarlaıdy QazAqparat tilshisi.

Brıfıng barysynda Almaty qalasy boıynsha isker áıelder qaýymdastyǵynyń tóraıymy Balym Bataeva qaıyrymdylyq jasaýshylardyń basym bóligi túrli sebeppen nazardan tys qalyp otyrǵanyn, alaıda olardyń isteri basqalarǵa úlgi bolýǵa tıis ekenin atap ótti.

«Biz muqtaj adamdarǵa kómektesetin, ıgi ister jasaıtyn adamdardyń is-áreketterin nasıhattaǵymyz keledi. Bul adamdar óskeleń urpaqty meıirim men janashyrlyqtyń jarqyn mysalynda tárbıeleýge kómektesedi, olar dástúrlerdi saqtaıdy, janqııarlyqty kórsetedi», – dedi ol.




Spıker almatylyqtardy tórtinshi ret ótkizilip otyrǵan baıqaýǵa qatysýǵa shaqyrdy.

Onyń aıtýynsha, jyl saıyn respýblıkalyq baıqaý Qazaqstannyń damýyna úlken úles qosyp kele jatqan óz eliniń júzdegen batyl, qamqor adamyn, metsenattary men naǵyz patrıottaryn anyqtaıdy.

Konkýrsqa áleýmettik, qoǵamdyq máselelerdi sheshýge óz úlesin qosatyn jáne ózderiniń ıgi isterimen basqalardy yntalandyratyn jeke jáne zańdy tulǵalar qatysa alady.

Al kásipkerlik sýbektileri, sondaı-aq qaıyrymdylyq qyzmeti memlekettik qoldaýmen, ıaǵnı memlekettik grant, memlekettik tapsyryspen baılanysty adamdar qatysa almaıdy.

Qatysýǵa ótinimder 30 qarashaǵa deıin qabyldanady.




Laýreattar kelesi nomınatsııalar boıynsha anyqtalady:

- «Asar» - qaıyrymdylyq qyzmeti halyqtyq salt-dástúrlerdi saqtaýmen baılanysty adamdar úshin nomınatsııa;

- «Týǵan jer» - bilim berý, ekologııa jáne abattandyrý, mádenı nysandardy qalpyna keltirý jáne taǵy basqa salalarda týǵan ólkesine qaıyrymdylyq kómek kórsetkege tabystalady;

- «Batyl júrek» - erlik pen qaısarlyq;

- «Meıirim jolynda» - belgili bir ýaqyt ishinde turaqty óteýsiz kómek kórsetetinder úshin;

- «Qaıyrymdylyq tarıhy» - nomınatsııa BAQ qaıyrymdylyq, áleýmettik máselelerdi úzdik jarııalaǵany úshin jýrnalıstke jáne/nemese shyǵarmashylyq ujymǵa beriledi;

- «Bala júregi» - laýreatqa tótenshe jaǵdaılarda kórsetken erligi men batyrlyǵy, qaıyrymdylyq qyzmetine qatysqany úshin 6 jastan 18 jasqa deıin beriledi;

- «Janýarlarǵa meıirim» nomınatsııasy janýarlardyń quqyq qorǵaýshysy bolyp tabylatyn janǵa tabystalady.

Ol asyraýǵa kómektesken, sondaı-aq janýarlar álemine qatysty meıirimdilik pen qaıyrymdylyqty nasıhattaıdy.

Balym Bataeva pandemııa jyly qıyn ýaqytta óz kúshteri men kómek kórsetý múmkindikterin aıamaǵan adamdardy erekshe atap ótti.

Aıta keteıik, jobany QR Tuńǵysh Prezıdentiniń Qory men Qazaqstannyń Іsker áıelder qaýymdastyǵy uıymdastyryp otyr.


Joǵary qaraı