Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda modýldi gospıtal qaıta ashylady

2021 jyldyń 18 qańtar 2021 16:41

ALMATY. QazAqparat - Almatynyń modýldi gospıtalinde josparly dezınfektsııalyq óńdeý aıaqtaldy, mekeme naýqastardy 20 qańtardan bastap qabyldaıdy, dep habarlaıdy QazAqparat tilshisi.

B. Momyshuly kóshesindegi (1/55) I.Jekenova atyndaǵy «Qalalyq klınıkalyq ınfektsııalyq aýrýhanasy» modýldik gospıtali qaıta taıaýda ashylady.

Jeltoqsan aıynyń basynda bastalǵan jalpy sanıtarlyq-dezınfektsııalyq óńdeý aıaqtaldy. Emdeý mekemesi 20 qańtardan bastap KVI emdeý úshin qaıta qabyldaýdy bastaıdy.

Esterińizge sala keteıik, Modýl-1 2020 jyldyń sáýir aıynan bastap qarasha aıynyń sońyna deıin – pandemııanyń eń órshigen kezinde jumys istedi. Onda barlyǵy 3 430 naýqas emdeldi. Qazirgi ýaqytta ǵımarat, palatalar men jabdyqtar tolyq óńdelgen, barlyq parametrlerge sáıkes keledi, modýlde jylý, barlyq jabdyqtar, sonyń ishinde qarqyndy terapııa jáne reanımatsııa jumys jasaýǵa ázirlengen.

Infektsııalyq aýrýhananyń modýldik gospıtali 280 tósek-orynǵa arnalǵan. Ártúrli ınfektsııalyq aýrýy bar naýqastardy senimdi oqshaýlaýdy qamtamasyz etedi: qabyldaý-keńes berý bólimshesi kósheden jeke kiretin esigi bar 6 bokstan turady. Bólimshede dıagnostıkalyq jáne emdeý is-sharalaryn júrgizý múmkindigi bar: kompıýterlik tomografııa, ýltradybystyq dıagnostıka, beıneendobronhoskopııa, elektrokardıografııa.

Aýrýhanada 28 tósek-orynǵa arnalǵan iri reanımatsııalyq bólim bar, ol saraptamalyq klastaǵy zamanaýı medıtsınalyq jabdyqtarmen jáne senimdi jeldetý júıesimen jabdyqtalǵan.

Almatyda medıtsınalyq uıymdardyń ınfektsııalyq palatalarynda barlyǵy 7 011 oryn jabdyqtalǵan.


Avtor Alma Muqanova
Basty sózder: Almaty, Koronavırýs, Medıtsına,
Joǵary qaraı