Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda myńǵa jýyq jumysshy qar tazalap jatyr

2021 jyldyń 22 sáýir 2021 08:51

ALMATY. QazAqparat – Almatyda qardyń tolassyz jaýǵanyna bir táýlik boldy. Boljam boıynsha búgin tústen keıin toqtaý kerek, dep habarlaıdy QazAqparat tilshisi.

Taýly jáne taý bókterlerindegi aımaqtarǵa 10-12, al qalaǵa 6-8 sm qar tústi.

Kóktaıǵaqtyń aldyn alý úshin qar jaýǵan kezden bastap joldarǵa, qıylystar men jolaıryqtardyń kireberisine, taý bókteri men taýly aımaqtarǵa kóktaıǵaqqa qarsy qospa sebilip, qar tazalandy. Kóktaıǵaqqa qarsy 243 tonna materıal paıdalanyldy.

Trotýar, jaıaý júrginshi aımaqtaryn, qoǵamdyq kólik aıaldamalaryn, avtoturaq qaltarystaryn, jer ústi ótkelderin jáne ortaq paıdalanylatyn jerlerdi tazartý júrgizilip jatyr.




Qar tazalaýǵa 395 arnaıy tehnıka, onyń ishinde 136 qum shashatyn tehnıka bar, 965 jumysshy jumyldyrylǵan.

Aýdandyq ákimdikter men qala ákimdiginde qar tazalaýdy táýlik boıy baqylaıtyn kezekshilik uıymdastyrylǵan.

Qazgıdromettiń boljamy boıynsha, jaýyn-shashyn 22 sáýirde túste saıabyrlaıdy.


Avtor Alma Muqanova
Basty sózder: Almaty, Aýa raıy,
Joǵary qaraı