Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda nan baǵasy qymbattaı ma

2021 jyldyń 21 qyrkúıek 2021 19:42

ALMATY. QazAqparat - Almaty qalalyq ákimdiginde qalada nan baǵasynyń ósýi jaıly sóz boldy, dep habarlaıdy QazAqparat tilshisi.

Almaty qalasynyń kásipkerlik jáne ınvestıtsııalar basqarmasynyń málimetinshe, qalada jeltoqsan aıyna deıin nan baǵasynyń ósýi boljanbaıdy. Qazirgi tańda Almatyda bir bólke nannyń (formalyq) baǵasy 75-90 teńge turady. Bul — elimizdegi eń tómen baǵalardyń biri.

«Bul kórsetkishke áleýmettik mańyzy bar azyq-túlik taýarlarynyń baǵasyn turaqtandyrý úshin istelip jatqan sharalar arqyly qol jetkizildi. «Aqsaı» nan-toqash kombınaty» JShS-ǵa belgilengen shekti satý baǵasy bir bólke úshin 75 teńge deńgeıinde áleýmettik nan (formalyq, 1-shi surypty unnan) óndirý úshin jeńildikpen 1 mlrd teńge somasynda qaryz berildi», - dep habarlady basqarmadan.

Sondaı-aq, ákimdikte nannyń tómen baǵasy qalaı qamtamasyz etiletini aıtyldy.

«Nannyń tómen baǵasyn qamtamasyz etý «Aqsaı» nan-toqash kombınaty» JShS-men jeńildetilgen qaryz týraly shart jasasýǵa baılanysty, sondaı-aq, barlyq saýda jelilerin, 3000-nan astam dúkender men dıstrıbıýtorlardyń kómegimen ishinara azyq-túlik bazarlaryn «Aqsaı» ónimderimen qamtý esebinen júrgizilýde. Uqsas jaǵdaı, «Toımart» saýda jelisimen sóredegi bir bólke úshin bekitilgen 75 teńge baǵasymen 940 tonna nandy satý týraly kelisim shart jasaldy», - dep tolyqtyrdy ákimdik.


Avtor Dýman Arǵyngeldi
Basty sózder: Almaty, Azyq-túlik, Ekonomıka,
Joǵary qaraı