Aýa raıy
Astana -13 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda negizgi kapıtalǵa salynǵan ınvestıtsııa kólemi 900 mlrd teńgege ósken - ákimdik

2020 jyldyń 27 qarasha 2020 12:34

ALMATY. QazAqparat – Almatyda óńirlik kommýnıkatsııalar alańynda Almaty Kásipkerlik jáne ınvestıtsııalar basqarmasynyń basshysy Erkebulan Orazalınniń qatysýymen ınvestıtsııalyq jobalardy júzege asyrý týraly onlaın brıfıng ótti, dep habarlaıdy QazAqparat tilshisi.

Erkebulan Orazalınniń keltirgen málimetteri boıynsha, 2020 jyldyń 10 aıynda pandemııa saldarynyń aıasynda saýda salasy quldyraǵan, soǵan qaramastan, óndiris jáne ınvestıtsııalar salasynda oń dınamıka baıqalady.

Bıyl qańtar-qazanda bólshek saýda kólemi 2 747 mlrd teńge boldy. Respýblıkalyq kólemde Almatynyń bólshek taýar aınalymynyń úlesi 30,3% boldy. Atap aıtqanda, azyq-túlik taýarlaryn satý 6,7%-ǵa ulǵaısa, azyq-túlik emes taýarlar saýdasy 14,3%-ǵa tómendedi.

Bıyl qańtar-qazan aılarynda kóterme saýda aınalymynyń kólemi 7 978,2 mlrd teńge boldy. Respýblıkalyq kólemde qalanyń kóterme taýar aınalymynyń úlesi 42,8%-dy qurady.

Sonymen birge, ónerkásipte oń serpin baıqaldy. 2020 jylǵy qańtar-qazan aılarynda 826,4 mlrd teńgege, onyń ishinde, óńdeý ónerkásibinde 670,4 mlrd teńgege ónim óndirildi.

Sondaı-aq, pandemııaǵa jáne karantınniń shekteý sharalaryna qaramastan, bıyl Almaty qalasynda negizgi kapıtalǵa salynǵan ınvestıtsııalar kóleminiń óskeni baıqalady.

2020 jyldyń 10 aıynyń ishinde negizgi kapıtalǵa salynǵan ınvestıtsııalar - 719,2 mlrd teńgeni, jeke tulǵalyq kólem ındeksi 116,9%-dy qurady.

Paıdalaný baǵyttary boıynsha jyljymaıtyn múlikke – 323,4 mlrd teńge; ónerkásipke – 99 mlrd teńge; kólik jáne qoımalaýǵa – 69,4 mlrd teńge; densaýlyq saqtaý jáne áleýmettik qyzmet kórsetýge – 44,9 mlrd teńge; sondaı-aq qarjy jáne saqtandyrý qyzmetine – 43,3 mlrd teńge ınvestıtsııa tartyldy.

Jyldyń sońyna deıin 90 ınvestıtsııalyq jobany iske asyrý josparlanyp otyr. Olardyń arasynda:

• quny 30,8 mlrd teńge bolatyn 9 áleýmettik joba;

• saýda jáne qyzmet kórsetý salasynda quny 15 mlrd teńge bolatyn 45 joba;

• ónerkásip salasynda quny 60,4 mlrd teńge bolatyn 17 joba;

• jyljymaıtyn múlik salasynda quny 68,5 mlrd teńge bolatyn 18 joba;

• kólik salasynda quny 1,5 mlrd teńge bolatyn 1 joba.

Jobalardy iske asyrý barysynda bıyl 7,3 myńnan astam jumys ornyn qurý josparlanyp otyr.

Erkebulan Orazalın 2020 jyldyń qorytyndysy boıynsha megapolıstiń negizgi kapıtalyna salynǵan ınvestıtsııalar 900 mlrd teńgege óskenin aıtty.

«Qalanyń ınvestıtsııalyq tartymdylyǵyn arttyrý úshin Almaty ındýstrıaldy aımaǵynyń aýmaǵyn keńeıtý jolymen jeke ınvestıtsııalar tartý, «Alataý» ITP AEA negizinde farmatsevtıkalyq klaster qurý josparlanyp otyr. Sondaı-aq, jumys istep turǵan ónerkásip nysandarynyń negizinde iri developerlik jobalardy iske asyrý, qala ekonomıkasynyń basym sektorlaryna ınvestıtsııalar tartý kózdelgen», - dedi Erkebulan Orazalın.


Joǵary qaraı