Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda oq tıgen 29 adamdy polıtsııa tergeý ızolıatoryna qamap qoıǵan - Bas prokýratýra

2022 jyldyń 22 qańtar 2022 17:18

NUR-SULTAN. QazAqparat –Adam quqyǵyn qorǵaý uıymy ókilderi men táýelsiz quqyq qorǵaýshylarǵa jappaı ereýil kezinde ustalyp, qamalǵan jandarmen júzdesýge ruqsat berildi. Bul týraly QR Bas prokýratýrasy birinshi qyzmet basshysynyń orynbasary Eldos Qılymjanov OKQ-de ótken baspasóz máslıhatynda málim etti, dep habarlaıdy QazAqparat tilshisi.

«Túsindirip ótken jón bolar, bir qylmystyq is boıynsha birneshe adam, ıaǵnı sybaılas qatysýshylar bolýy múmkin. Bul derekter áli de túpkilikti emes. Olar prokýratýramen ustaý negizderin tekserý jáne sotta qamaýǵa alý isteriniń qaralý nátıjesine baılanysty. Atap aıtqanda, 29 ustalǵan tulǵany sot qamaýǵa alýǵa bas tartqan, olar qazir bosatyldy. Prokýrorlar qamaýǵa alynǵandardy kúndelikti tekserýde», - dedi ol.

Bas prokýratýra ókiliniń aıtýynsha, aıyby joq 96 adam ýaqytsha ustaý ızolıatorlarynan bosatylǵan.

«Prokýrorlar Almaty qalasynyń ýaqytsha ustaý ızolıatoryn tekserý kezinde dene jaraqaty bar 73 adamdy anyqtady. Onyń ishinde úsheýine qatysty bultartpa sharasy ózgertildi, olar qazir bostandyqta. Bizdiń nusqaýmen ustalǵandardyń arasynda oq jaraqatyn alǵan 29 adam qalalyq aýrýhanaǵa jatqyzyldy. Qamaýǵa alynyp, jaraqat alǵan 41 jan tikeleı ızolıatorda em alýda. Qatygezdikpen qaraý, sondaı-aq medıtsınalyq kómekti kórsetpeý yqtımal jaǵdaılaryn táýelsiz tekserý maqsatynda adam quqyqtary jónindegi ýákil jáne basqa da adam quqyǵyn qorǵaý uıymdaryna ustaý mekemelerine kirýge ruqsat berildi», - deıdi ol.

Buǵan deıin Bas prokýratýra ókili jappaı ereýilden keıin 819 qylmystyq is tergelip jatqany týraly málim etken edi.


Joǵary qaraı