Aýa raıy
Astana 9 °S
Almaty 22 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda ókpesi 100% zaqymdanǵan 84 jastaǵy qarııa jazylyp shyqty

2020 jyldyń 11 tamyz 2020 20:43

ALMATY. QazAqparat – Almatyda ftızıopýlmonologııalyq ortalyqta koronavırýsten eki qart adam emdelip, úılerine shyqty, dep habarlaıdy QazAqparat tilshisi.

Densaýlyq saqtaý basqarmasynyń málámetinshe, olardyń biri 84 jastaǵy qarııa, onyń ókpesi 100% zaqymdalǵan. Naýqas aýrýhanaǵa 19 shilde kúni koronavırýstyq ınfektsııa dıagnozymen túsken. Ol qurǵaq jótelge, jalpy álsizdikke, tábetiniń tómendeýine shaǵymdanǵan. Dárigerler onyń ómirin saqtap qalý úshin 16 kún kúresti.

«Naýqas jansaqtaý bóliminde 16 kún jatty. 8 kún ınvazıvti ÓJJ apparatynda boldy. Jaǵdaıy qalypqa kelgennen keıin naýqas bólimshege emdelýge aýystyryldy»,– deıdi Ftızıopýlmonologııa ortalyǵynyń dırektory Janar Sapıeva

Ekinshi naýqas – 78 jastaǵy áje. Ol eki jaqty polısegmenttik pnevmonııa dıagnozymen aýrýhanada bir aıdan astam ýaqyt emdeldi. Naýqastyń ókpesi 85% zaqymdanǵan. Onyń aıtýynsha, aýrý aıaq asty bastalǵan, bastapqyda JRVI dep oılap, úsh kún úıinde emdelgen.

Janar Sapıevanyń aıtýynsha, patsıentter búginde ózderin jaqsy sezinedi, jaǵdaılary qalypty, emdelýshilerde koronavırýs ınfektsııasynyń belgileri baıqalmaıdy. Keshe olar úıine shyǵarylyp, ambýlatorııalyq deńgeıde baqylaýǵa alyndy.

Avtor Alma Muqanova
Basty sózder: Koronavırýs, Almaty,
Joǵary qaraı