Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda oqýshy zorlanǵan jekemenshik mektep jumysynan birqatar kemshilik anyqtaldy

2022 jyldyń 13 mamyr 2022 16:25

NUR-SULTAN. QazAqparat – QR Bilim jáne ǵylym mınıstrligi Almatydaǵy oqýshy zorlanǵan jekemenshik mekteptiń jumysyna tekserý júrgizip, birqatar kemshilikti anyqtady, dep habarlaıdy QazAqparat tilshisi QR BǴM Balalardyń quqyǵyn qorǵaý komıtetiniń baspasóz qyzmetine silteme jasap.

Keshe balalar quqyǵyn qorǵaý komıtetiniń tóraǵasy Esenǵazy Imanǵalıev pen onyń shtattan tys keńesshisi Raısa Sher bolǵan jaıttyń mán-jaıyn anyqtaý maqsatynda Almatydaǵy «Marııam» jekemenshik mektebine bardy.

«Komıtet ókilderi oqýshynyń otbasyna bardy. Qazir balaǵa psıhologııalyq kómek kórsetilip jatyr. Sondaı-aq, Almaty qalasynyń quqyq qorǵaý organdarynyń ókilderimen kezdesý ótti. Búginde qalalyq polıtsııa departamenti atalǵan iske qatysty tergeý jumystaryn júrgizip jatyr. Sonymen qatar zorlyq-zombylyq áreketteriniń jasalǵanyn anyqtaý úshin saraptama taǵaıyndaldy», - delingen habarlamada.

Sondaı-aq, mınıstrlik ókilderi atalǵan bilim berý mekemesiniń ákimshiligi jáne ustazdarymen kezdesý ótkizgen.

«Arnaıy qurylǵan komıssııanyń tekserý jumysy nátıjesinde mekteptiń oqý-tárbıe jumysyn uıymdastyrý men balalardyń qaýipsizdigin qamtamasyz etýde (beınebaqylaý júıesimen qamtamasyz etý boıynsha tıisti talaptardy saqtamaý) kemshilikter anyqtaldy. Odan bólek, sanıtarlyq-gıgıenalyq talaptarǵa da qatysty (synypta jaryqtyń nasharlyǵy, jeldetý júıesiniń bolmaýy jáne t.b.) birqatar buzýshylyq bar», - deıdi komıtetten.

Resmı aqparatta aıtylǵandaı, qazirgi ýaqytta tekserý jumysy jalǵasyp jatyr. Onyń qorytyndysy boıynsha shara qabyldanady.

Eske sala keteıik, buǵan deıin Almatyda 1-synyp oqýshysyn zorlaǵandarǵa qatysty is qozǵalǵany týraly habarlaǵan bolatynbyz.

Keıin Bilim jáne ǵylym mınıstrligi oqýshy zorlanǵan jekemenshik mektep qyzmetin tekseretini belgili boldy.


Joǵary qaraı