Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda onkologııany dıagnostıkalaýǵa arnalǵan ıadrolyq medıtsına ortalyǵy ashyldy

2021 jyldyń 27 jeltoqsan 2021 12:45

ALMATY. QazAqparat - Búgin QR Premer-Mınıstriniń orynbasary Eraly Toǵjanov «MedInvestGrýpp Qazaqstan» kompanııasynyń qoldaýymen ashylǵan ıAdrolyq medıtsına ortalyǵyna bardy, dep habarlaıdy primeminister.kz.

Bul - elimizdegi alǵashqy osyndaı ınnovatsııalyq medıtsınalyq ortalyq, onyń qyzmeti onkologııalyq aýrýlardy dıagnostıkalaýǵa baǵyttalǵan.




Ortalyqta medıtsınalyq kómektiń kepildik berilgen kólemi sheńberinde barlyq qazaqstandyqtarǵa tegin jáne qoljetimdi zertteýler júrgiziledi.




ıAdrolyq medıtsına ortalyǵy onkologııalyq patologııalardy erte anyqtaý úshin eń zamanaýı jabdyqtarmen jabdyqtalǵan.

Joǵary tehnologııalyq PET skaneri – Biograph Horizon, Siemens pozıtrondy-emıssııalyq jáne kompıýterlik tomografııa múmkindikterin biriktiredi.

Zertteý isiktiń qurylymy men fýnktsıonaldyq erekshelikterin molekýlalyq deńgeıde baǵalaýǵa múmkindik beredi.

Bul ádis eń kishkentaı oshaqtardy anyqtaýǵa jáne neoplazmalardyń ornalasýy men shekaralary týraly naqty málimettermen adam aǵzasynyń úsh ólshemdi beınesin alýǵa múmkindik beredi.




Vıtse-premer ortalyqtyń múmkindikterimen tanysyp, PET/KT dıagnostıkasy onkologııalyq aýrýlarmen kúresýdiń mańyzdy quraldarynyń biri ekenin atap ótti.




«Innovatsııalyq zertteýler patsıenttiń jaǵdaıy týraly naqty aqparat alýǵa múmkindik beredi. Bul aýrýdy naqtylaý kezeńinde de, emdeý kezeńinde de mańyzdy. Eń zamanaýı apparatýramen jabdyqtalǵan medıtsınalyq ortalyqtar Qazaqstan azamattarynyń densaýlyǵyn saqtaý jáne ómir súrý uzaqtyǵyn arttyrý úshin óte mańyzdy», — dedi E. Toǵjanov.




«MedInvestGrýpp Qazaqstan» kompanııasy satyp alǵan jáne Almaty qalasynyń ıadrolyq medıtsına ortalyǵynda paıdalanylatyn apparatýra dárigerlerge jylyna 7 000 patsıentti qabyldaýǵa múmkindik beredi.

Bul emdeý men dıagnostıkaǵa muqtaj qazaqstandyqtarǵa zertteýlerdiń kúrdeli rásimin kútý merzimin aıtarlyqtaı qysqartýǵa kómektesedi.

Osyndaı ortalyqtar jaqyn arada Oral, Shymkent jáne Qaraǵandy qalalarynda MIG Qazaqstan ınvestıtsııalyq kompanııasymen memlekettik-jekemenshik áriptestik aıasynda ashylady.





Joǵary qaraı