Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda órt sóndirý quralymen jurtty shoshytqan bloger qamaýǵa alyndy

2021 jyldyń 25 qarasha 2021 12:19

ALMATY. QazAqparat - Almatyda órt sóndirý quralymen kóshede eldi shoshytqan bloger ákimshilik qamaýǵa alyndy, dep habarlaıdy QazAqparat tilshisi.

Bir top jigit buǵan deıin Almaty metrosynda prank túsirgeni úshin jazaǵa tartylǵan bolatyn. Tártipti qaıta buzǵan tıktokerler bul joly ákimshilik jazamen qamaýǵa alyndy.

«1999 jyly týǵan K.S.Álıaqbarov, 2002 jyly týǵan A.S.Armııanov jáne operatordyń (qazirgi ýaqytta jeke basy anyqtalyp jatyr) is-áreketteri QR ÁQbK-niń 434 baby – usaq buzaqylyq boıynsha kvalıfıkatsııalandy. Armııanov aldynda metroda áýendik kolonnamen jasalǵan prankterge qatysqan jáne osyǵan deıin QR ÁQbK-niń 434-baby boıynsha ákimshilik jaýapkershilikke tartylǵan. Bul áreketter aıyppuldy nemese ákimshilik qamaýǵa alýdy kózdeıdi. Jınaqtalǵan ákimshilik is júrgizý materıaly sheshim qabyldaý úshin sotqa joldandy», - dedi Almaty qalalyq Polıtsııa departamenti bastyǵynyń orynbasary Rústem Ábdirahmanov.

Polıtsııa ókiliniń aıtýynsha, mamandandyrylǵan aýdanaralyq ákimshilik sotynyń qaýlysymen K.S.Álıaqbarov (beınetaspada qolynda órt sóndirgishi bar) ákimshilik qamaýǵa alý túrindegi jaýapkershilikke tartyldy. A.S.Armııanovqa jáne operatorǵa qatysty tekserý jalǵasýda.

Aıta keteıik, olar osyǵan deıin Almaty metrosynda úlken kolonkamen mýzyka daýysyn qatty qoıyp, prank jasaǵany úshin jaýapqa tartylǵan bolatyn.






Avtor Alma Muqanova
Basty sózder: Vıdeo, Qoǵam, Aımaq, Internet, Polıtsııa, Zań,
Joǵary qaraı