Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda ózbekstandyq 20 gastarbaıter zańsyz jumys istep kelgen

2021 jyldyń 9 jeltoqsan 2021 14:56

ALMATY. QazAqparat - Almatynyń qurylys alańdarynda ózbekstandyq 20 gastarbaıter zańsyz eńbek etken, dep habarlaıdy QazAqparat tilshisi.

Zańsyz ımmıgranttar Almatyda «Kelimsek» respýblıkalyq jedel-aldyn alý sharasy barysynda anyqtaldy.

Almaty qalasy polıtsııa departamentiniń kóshi-qon qyzmeti basqarmasynyń bastyǵy Ashat Býtýnchınovtyń aıtýynsha, gastarbaıterler Bostandyq aýdanynda ornalasqan turǵyn úı kesheniniń aýmaǵynda jumys istegen.

«Olar jumys berýshiler sekildi elimizdiń qoldanystaǵy kóshi-qon zańnamasyn buzdy. Sol úshin ákimshilik jaýapkershilikke tartylyp, PD qabyldaý-taratý ornyna qamaldy. Keıinnen sot sheshimi boıynsha gastarbaıterler Qazaqstannan tys jerge shyǵarylady»,- dep málimdedi ol.

Sondaı-aq, spıker úsh kún ishinde anyqtalǵan quqyq buzýshylyqtar statıstıkasyn atap ótti.

«Kóshi-qon zańnamasyn buzǵany úshin 921 adam ákimshilik jaýapkershilikke tartyldy, onyń 686 - Qazaqstanda júrip-turý qaǵıdalaryn buzǵan sheteldik azamattar. Sot sheshimi boıynsha 25 sheteldik QR aýmaǵynan shyǵaryldy. Sheteldikterdiń Qazaqstan Respýblıkasynda bolý zańdylyǵyn qamtamasyz etý jónindegi sharalardy qabyldamaǵany úshin 211 tulǵa, Qazaqstan Respýblıkasyna sheteldik jumys kúshin tartý erejelerin buzǵany úshin 24 jumys berýshi jaýapkershilikke tartyldy», - dedi Ashat Býtýnchınov.

Aıta keteıik, «Kelimsek» respýblıkalyq jedel aldyn alý sharasy qoǵamdyq tártipti saqtaý jáne sheteldikterdiń Qazaqstanda júrip-turý erejelerin buzýyn anyqtaý maqsatynda ótkiziledi.


Joǵary qaraı