Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda páter tonaǵan ákki ury ustaldy

2021 jyldyń 15 qazan 2021 23:21

ALMATY. QazAqparat - Almatyda páterlerdi tonaǵan serııalyq «ury» ustaldy, dep habarlaıdy QazAqparat tilshisi.

Almaly aýdandyq polıtsııa Basqarmasynyń málimetinshe, 34 jastaǵy er adam plastıkalyq terezeni qysý arqyly páterlerge kirip, kóbinese áshekeı buıymdar men aqshany alyp ketken.

«Ury turǵyn úıge kúndiz, úı ıeleri jumysta bolǵan kezde kirdi. Qazir ol ustaldy. Qazirgi ýaqytta onyń osyǵan uqsas tórt qylmysqa qatysqandyǵy dáleldendi. Kúdikti óz isin moıyndady. Barlyq faktiler boıynsha qylmystyq ister QR QK-niń 188-baby 3-bólimine sáıkes qylmystyń negizi boıynsha bir óndiriske biriktirildi. Kúdiktige qatysty ustaý túrindegi bultartpaý sharasy qoldanyldy. Onyń jeke basy qalanyń barlyq aýdandarynda osyǵan uqsas qylmystarǵa qatysy bar-joǵyna tekseriledi», - dedi Almaly aýdandyq PB bastyǵynyń orynbasary Vladımır Reshetnıkov.

Aıta keteıik, kúdikti sońǵy urlyǵyn qala ortalyǵynda jasaǵan. Keltirilgen zalal 1 mıllıon teńgeni qurady.


Avtor Dýman Arǵyngeldi
Basty sózder: Almaty, Qylmyspen kúres,
Joǵary qaraı