Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda pedagogıka ýnıversıtetiniń 300-ge jýyq oqytýshysy ekpe saldyrdy

2021 jyldyń 15 maýsym 2021 15:28

ALMATY. QazAqparat - Óńirlik kommýnıkatsııalar qyzmeti alańynda ótken brıfıngte Abaı atyndaǵy Qazaq ulttyq pedagogıkalyq ýnıversıtetiniń rektory Darhan Bilálov oqytýshylar qaýymy koronavırýsqa qarsy ekpeni jappaı saldyrǵanyn aıtty, dep habarlaıdy QazAqparat tilshisi.

Darhan Bilálovtiń aıtýynsha, koronavırýs – búkil álemdi dúr silkindirgen aýrýlardyń biri.

Sondyqtan pedagogıkalyq ýnıversıtettiń qyzmetkerleri óz erkimen vaktsına alý týraly sheshim qabyldady. 298 adam ekpe aldy.

Bul jaqyndarynyń, áriptesteri men stýdentteriniń densaýlyǵyna qamqor bolatyn oqytýshylardyń sanaly tańdaýy.

«Pandemııa barlyq joǵary oqý oryndaryna qashyqtan oqytýdyń jańa tájirıbesin ákeldi. Ony umytpaý kerek. Aralas oqytý formatynyń artynda muǵalimderdiń biliktiligin arttyrýǵa múmkindik beretin bolashaq bar. Qashyqtan oqytýdyń jaǵymdy jaqtaryna qaramastan, stýdentter oflaın rejımde jaqsy oqıdy. Stýdent jastardy ata-analary men jaqyndaryna jaýapkershilik tanytýǵa shaqyramyn. Eger siz aýrý juqtyrsańyz, otbasyndaǵy qart adamdardyń saýyǵýy óte qıyn», - dedi ol.

Rektor oqytýshylardy, stýdentterdi, talapkerlerdi, stýdent jastardy vaktsına alýǵa jáne ujymdyq ımmýnıtetti qalyptastyrýǵa shaqyrdy.

Bul - koronavırýs pandemııasyna qarsy turýdyń jalǵyz joly jáne qalypty ómir saltyna oralýdyń kepili.

Onyń aıtýynsha, mamandardy tarta otyryp, vaktsına jaıly túsindirme jumystary júrgizilýde.


Joǵary qaraı