Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda pedofıl 20 jylǵa sottaldy

2021 jyldyń 1 tamyz 2021 11:38

ALMATY. QazAqparat – Almatyda pedofıl 20 jylǵa sottaldy. Bul týraly qalalyq Polıtsııa departamenti basshysynyń orynbasary Rýstam Abdrahmanov málim etti, dep habarlaıdy QazAqparat tilshisi.

1996 jyly týǵan Noori Khalil esimdi azamat 2019 jyldyń qarashasynan 2020 jyldyń 2 jeltoqsany aralyǵynda 2010 jyly týǵan «S» esimdi jetkinshekke qatysty seksýaldyq sıpattaǵy zorlyq-zombylyq jasaǵany habarlandy.

«2020 jyldyń 3 jeltoqsanynda jábirlenýshi jetkinshektiń anasy úıde kir kıimderdi tazalaý kezinde aq daqtar jaǵylyp bylǵanǵan ulynyń ish kıimin taýyp alǵan. Uly túnde uıyqtap jatqanda, Noori Khalil onyń qasynda jatyp, azǵyndyq áreketter jasaǵanyn aıtqan. Belgili bolǵandaı, Noori Khalil balanyń anasynyń birge turatyn adamynyń dosy bolǵan, keıde olardyń úıinde qalyp túneıtin. Uıaly telefonmen birge oınaýdy syltaýratyp balamen bir bólmede uıyqtaıtyn sátti paıdalanǵan azǵyn balany janyna jatýǵa shaqyrǵan. Pedofıldiń oıynan kúmándanbaǵan bala onyń usynysyna kelise ketken. Osylaısha sottalýshy óziniń qylmystyq nıetin júzege asyrǵan», - dep atap ótti Rýstam Abdrahmanov.

2020 jyldyń jeltoqsanynda bolǵan qylmysty tergeý barysynda aıyptalýshynyń 2019 jyldyń qarasha aıynda osyǵan uqsas taǵy bir qylmysqa qatysy bar ekeni anyqtaldy.

«Balanyń aıtýynsha, ol Noori Khalil-di óziniń úlken aǵasy retinde qabyldap, olardyń úıine kelgende ony «Han» dep ataǵan. Kúdiktiniń qylmystyq áreketteri QR QK- niń 121-baby 4-bóligi (jas balaǵa qatysty birneshe ret jasalǵan seksýaldyq sıpattaǵy zorlyq-zombylyq áreketteri) boıynsha anyqtaldy», - dedi ol.

Sot úkimimen Noori Khalil-ge pedagogıkalyq laýazymdardy jáne kámeletke tolmaǵandarmen jumys isteýge baılanysty laýazymdardy atqarýǵa ómir boıyna tyıym salynyp, 20 jylǵa bas bostandyǵynan aıyrý jazasy taǵaıyndaldy.


Basty sózder: Qylmyspen kúres, Almaty,
Joǵary qaraı