Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda perzenthanalardyń materıaldyq-tehnıkalyq bazasy jaqsarady

2021 jyldyń 19 qazan 2021 04:20

ALMATY. QazAqparat - Almaty ákimi Baqytjan Saǵyntaevtyń tóraǵalyǵymen apparattyq keńes ótti. Onda megapolısti damytýdyń, onyń ishinde densaýlyq saqtaý jáne ana ólimin boldyrmaý salasyndaǵy ózekti máseleler qaraldy, dep habarlaıdy QazAqparat tilshisi.

Qalalyq Qoǵamdyq densaýlyq basqarmasynyń málimetinshe, ana óliminiń negizgi sebepteriniń arasynda COVID-19 jáne ekstragenıtaldy aýrýlardyń bolǵany, COVID-19 sımptomdary baıqalsa da medıtsına qyzmetkerlerine kesh júginý sebepteri bar. Búginde ana ólimin tómendetý úshin otbasyn josparlaý kabınetteri jumysynyń tıimdiligin arttyrý boıynsha sharalar qabyldanýda jáne fertıldi jastaǵy áıelderdi dınamıkalyq baqylaý engizilýde. Perzenthanalarda kadrlar tapshylyǵyn joıý jáne olardyń biliktiligin arttyrý maqsatynda rezıdentýrada 2021-2023 oqý jyldary 6 akýsher-gınekolog, al, 2022-2024 jyldary – 4 maman daıarlyqtan ótedi. Almaty ákimi B. Saǵyntaev ana ólimin azaıtý maqsatynda is-sharalar josparyn iske asyrýǵa baqylaýdy kúsheıtýdi tapsyrdy. Sonymen qatar, qala ákimi bosandyrý uıymdarynyń materıaldyq-tehnıkalyq bazasyn jaqsartý mindetin alǵa qoıdy. Ol úshin aǵymdaǵy jáne kelesi jyldary qajetti jabdyqtar satyp alynady, al 2023-2024 jyldary perzenthanalardy zamanaýı sorý-syrtqa taratý jeldetkishin ornata otyryp, kezeń-kezeńimen rekonstrýktsııalaý qarastyrylǵan.


Avtor Dýman Arǵyngeldi
Basty sózder: Medıtsına, Almaty,
Joǵary qaraı