Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda polıtseılerge pyshaq ala júgirgen áıeldiń ne úshin ustalǵany belgili boldy

2022 jyldyń 19 mamyr 2022 16:21

ALMATY. QazAqparat- Almatyda 36 jastaǵy áıel qylmystyq jaýapkershilikten bosatý máselesin sheshýge kómektesemin degen jeleýmen birneshe adamnan qomaqty aqsha alǵan, dep habarlaıdy QazAqparat tilshisi.

«Kúdikti - 1986 jyly týǵan M. esimdi azamatsha qala ortalyǵynda ustaldy. Ol polıtsııaǵa belsendi túrde qarsylyq kórsetip, pyshaqpen shabýyldady. Sodan keıin ótip bara jatqandardyń nazaryn aýdarý úshin qatty aıǵaılady»,- deıdi Almaly aýdandyq polıtsııa basqarmasynyń bastyǵy Esen Ysqaqov.

Polıtsııa ókiliniń sózinshe, kúdikti birneshe adamdy qylmystyq jaýapkershilikten bosatýǵa ýáde berip, qomaqty qarjy alǵan.

«Bizge birinshi ótinish ótken jyldyń qazan aıynda túsken. Qylmystyq jaýapkershilikten bosatý máselesin sheshýge kómektesemin degen jeleýmen atalǵan áıel «klıentten» 20 myń dollar alǵan. Azamattar mamyr aıynda ekinshi ótinishpen júgindi. Bul jaǵdaıda kúdikti qylmystyń kvalıfıkatsııasyn ózgertýge ýáde berip, 2,5 mln teńge alǵan. M. esimdi azamatshaǵa qatysty QR QK 190 baby 4 bóligi boıynsha qylmystyq is qozǵaldy»,- dedi spıker.

Qazir tártip saqshylary ustalǵan azamatshanyń osyǵan uqsas epızodtarǵa qatysy bar-joǵyn anyqtap jatyr.

Polıtsııa qyzmetkerleri M. esimdi áıeldiń áreketinen zardap shekkenderdiń barlyǵyn 8-708-707-92-02 jáne 8-775-774-44-41 telefondary arqyly habarlasýyn suraıdy.


Avtor Alma Muqanova
Basty sózder: Almaty, Oqıǵa, Polıtsııa, Alaıaqtyq,
Joǵary qaraı