Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda polıtsııanyń «servıstik modeli» damyp keledi

2021 jyldyń 4 qarasha 2021 18:37

ALMATY. QazAqparat - Almatyda qoǵamdyq qaýipsizdiktiń «servıstik modeline» kóshý máselesi boıynsha mamandandyrylǵan semınar-trenıngter ótýde, dep habarlaıdy QazAqparat tilshisi.

Almaty qalasy ákiminiń orynbasary Erjan Babaqumarov semınardy asha otyryp, polıtsııanyń «servıstik modelin» engizý jumystary Memleket Basshysynyń Joldaýyn oryndaý aıasynda júrgizilip jatqanyn atap ótti.

«Servıske baǵyttalǵan polıtsııa qyzmeti – bul polıtsııa men qoǵamǵa jańa ádisterdi qoldaný arqyly qylmystyń, quqyq qorǵaý jáne qaýipsizdik máselelerin yntymaqtastyqpen sheshýge múmkindik beretin model»,- dedi ákimdiktegiler.

Búginde Almatyda «servıstik polıtsııanyń» pılottyq aýmaǵy yqsham aýdan deńgeıinen Alataý aýdanyna deıin (aýdanda 300 myńnan astam adam turady) ulǵaıdy. Sondyqtan atalǵan aýmaqty kartaǵa durys túsirý, quqyq buzýshylyqtyń aldyn alý men qoǵamdyq qaýipsizdikti nyǵaıtýdyń qosymsha sharalaryn taldaý jáne ázirleý maqsatynda vedomstvoaralyq jumys tobynyń músheleri úshin semınar-trenıngter ótkiziledi.

Semınar-trenıngtiń maqsaty – vedomstvoaralyq jumys tobynyń múshelerin polıtsııa qyzmetindegi zamanaýı álemdik tásilderge, derektermen jumys jasaýǵa, «polıtsııanyń servıstik modeli» tujyrymdamasy aıasynda halyqpen ózara is-qımyl boıynsha áreket etýge oqytý.

Vedomstvoaralyq jumys tobynyń quramyna qalalyq basqarmalardyń, Almaty qalasy polıtsııa departamentiniń, prokýratýranyń jáne ÚEU ókilderi kiredi. Semınarǵa qoǵam qaıratkeri, Eýropadaǵy qaýipsizdik jáne Yntymaqtastyq Uıymynyń (EQYU) polıtsııa reformasy jónindegi keńesshisi Elmıra Hısamýtdınova qatysty.

Aıta keteıik, «polıtsııanyń servıstik modeli» búginde Bostandyq aýdanyndaǵy «Keremet» turǵyn úı kesheni men Alataý aýdanynyń «Ójet» yqsham aýdanynda istep tur.



Avtor Dýman Arǵyngeldi
Basty sózder: Almaty, Polıtsııa, Ákim,
Joǵary qaraı