Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda Prezıdenttiń saıası bastamalarynyń júzege asyrylýy talqylandy

2021 jyldyń 25 maýsym 2021 16:30

ALMATY. QazAqparat - Almatyda saıası reformalardyń úsh prezıdenttik paketin júzege asyrý boıynsha saraptamalyq talqylaý ótti, dep habarlaıdy QazAqparat tilshisi.

Іs-sharaǵa belgili qazaqstandyq sarapshylar, saıasattanýshylar, QR Parlamenti Májilisiniń depýtattary jáne ulttyq qoǵamdyq senim keńesiniń músheleri qatysty.

Jıyndy QR Prezıdentiniń kómekshisi, Ulttyq keńestiń hatshysy Erlan Qarın ashty.




Saraptamalyq shara aıasynda saıasattanýshy Andreı Chebotarevtiń «Qazaqstan Prezıdenti Qasym-Jomart Toqaevtyń saıası bastamalary: 3 pakettiń erekshelikteri» atty taldamalyq baıandamasy tanystyryldy.

Baıandamada Memleket basshysynyń saıası bastamalaryna sholý jasalyp, olardyń iske asyrylýyna taldaý jasaldy.

Atap aıtqanda, baıandamada Qazaqstandaǵy saıası reformalar rettilikpen jáne kezeńdilikpen sıpattalatyny atap ótilgen.

Avtor bul reformalar koronavırýs pandemııasynan týyndaǵan mańyzdy protsesterge qaramastan tıimdi júzege asyrylyp jatqanyn atap ótti.

«12 maýsymda Qasym-Jomart Toqaevtyń QR Prezıdenti qyzmetine resmı kiriskenine eki jyl tolady. Bul rette sol kúni ol qabyldaǵan alǵashqy sheshimderdiń biri «QR Prezıdenti janyndaǵy ulttyq qoǵamdyq senim keńesin qurý týraly« jarlyq boldy. Osylaısha, Memleket basshysy ótken prezıdenttik saılaý kezinde memleket pen qoǵamnyń dıalogyn ótkizýge qatysty aıtqan nıetin oryndaýǵa kirise otyryp, óziniń birbetkeıligi men dáıektiligin kórsetti. Osyǵan qosa, Prezıdent óz Jarlyǵymen QR Prezıdentiniń saılaýaldy «Igilik barshaǵa! Sabaqtastyq. Ádildik. Órleý» baǵdarlamasyn iske asyrý jónindegi is-sharalar josparyn bekitti.




Keıbir tıisti sharalar, sondaı-aq keıinirek belgilengen jańa sharalar QR Prezıdentiniń reformalardyń úsh paketin jasaǵan 23 bastapqy saıası bastamalarynyń negizine alyndy. Bul rette 2020 jyly osy paketterdiń alǵashqysy tolyǵymen iske asyryldy. Qalǵan eki paket boıynsha tıisti tujyrymdamalardy, zańdar men zańǵa táýeldi aktilerdi ázirleý, talqylaý jáne qabyldaý boıynsha jumys jalǵasýda», - dedi «Alternatıva» ózekti zertteýler ortalyǵynyń dırektory Andreı Chebotarev.

Usynylǵan analıtıkalyq qujattyń bir ereksheligi - baıandamanyń jeke bir bólimi Memleket basshysynyń quqyq qorǵaý salasyndaǵy bastamalaryna arnalǵan.

Atap aıtqanda, avtor jaqynda Memleket basshysy qol qoıǵan «Qazaqstan Respýblıkasynyń Adam quqyqtary salasyndaǵy keıingi sharalary týraly» jarlyq sheńberindegi quqyq qorǵaý bastamalaryna sholý jasady.

Sonymen qatar, talqylaý barysynda aldaǵy tikeleı aýyl ákimderin saılaýǵa erekshe kóńil bólindi.

Sarapshylar aýyl ákimderin tikeleı saılaýǵa kóshý saıası jańǵyrýdyń jańa kezeńin bildiretin jáne azamattardy qoǵamdyq protsesterge tartýǵa yqpal etetin mańyzdy oqıǵa bolyp tabylatynyn atap ótti.

Májilis depýtaty, belgili saıasattanýshy Aıdos Sarymnyń pikirinshe, saılaýdan keıin jańa taldaý júrgiziledi.

«Bizdiń sarapshy Andreı Chebotarev óziniń taldaý ortalyǵymen aýyl jáne aýdan ákimderin tikeleı saılaý boıynsha arnaıy baıandama daıyndady. Qazaqstan Ortalyq Azııada alǵash ret osyndaı saılaýǵa kirisýdi josparlap otyr. Bul - qoǵamǵa áser etetin mańyzdy sheshim. Endi osy saılaýdy ótkizgennen keıin biz sabaq alamyz, nátıje shyǵaramyz jáne qyrkúıek aıynda úlken zertteýler men taldaýlar bolady. Bul - olardyń alǵashqysy», - dedi spıker.

Sondaı-aq, Aıdos Sarymnyń aıtýynsha, qazir aýyldarda salyqtyń tórt túri qosymsha qarastyrylyp otyr.




«Jerge keletin bolsaq, munda jerdi jalǵa berý, jer telimin satý jáne basqalar bar. Budan ári jer ýchaskesiniń baǵasyn aýyl turǵyndary anyqtaıdy. Sol sııaqty kóptegen ózgerister bolady. Bul ne úshin qajet? Sebebi, aýyl turǵyndary óz ishinde birtutas bolýy kerek. Qoldanystaǵy zańda qala nemese aýyl mártebesin ózgertý úshin bes jyl beriledi. ıAǵnı, Úkimet eldi mekendi nemese qalany qaıta qurmaıdy nemese salmaıdy. Demek, árbir aýyl óz taǵdyryn ózi sheshe alady», - dep atap ótti Májilis depýtaty.

Jalpy, talqylaý barysynda usynylǵan baıandama Andreı Chebotarevtiń prezıdenttik reformalardy iske asyrýdy monıtorıngileý men baǵalaýǵa arnalǵan úshinshi taldamalyq materıaly ekenin atap ótken jón.





Avtor: Alpamys Israıl


Joǵary qaraı