Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda prokýratýra monıtorıng tobynyń jumysynan zańbuzýshylyq anyqtady

2021 jyldyń 5 mamyr 2021 12:27

ALMATY. QazAqparat - Prokýratýra Almaty qalasyndaǵy monıtorıng tobynyń jumysynan zańbuzýshylyqtardy anyqtady, dep habalaıdy QazAqparat tilshisi.

Prokýratýranyń qoǵamdyq múddelerdi qorǵaý basqarmasynyń bastyǵy Farhat Sádirovtiń aıtýynsha, Almatyda sall-ortalyq qurylǵan. Onda kásipkerler jumys máselesi boıynsha júgine alady. Mysaly 2021 jyldyń basynan beri munda 120-ǵa jýyq shaqyrtý túsken. Onyń ishinde monıtorıng toptarǵa shaǵym kóp.

«Bul toptar reıd júrgizip, karantın shekteýleriniń saqtalýyn tekseredi. Tıisinshe kásipkerlerde osy top qyzmetine qatysty suraqtar týyndaıdy. Kásipkerlermen dıalog qurý kezinde bıznes sýbektilerinde narazylyq týdyratyn monıtorıng toptary sheshimi jıi anyqtalady», - dedi Farhat Sádirov.

Mysaly, prokýratýra Almaly aýdany monıtorıng tobynyń zańsyz áreketin anyqtaǵan. Bul top kúndizgi ýaqytta bos kafelerge kirip, kelýshilerdiń joq ekenine qaramastan, kásipkerlerge adam sany normadan asyp ketkeni úshin aıyppul salýǵa tyrysqan.

Sondaı-aq, Farhat Sádirov monıtorıng top quramy ákimdik qaýlysymen bekitilgenin túsindirdi. Oǵan ákimdik, polıtsııa, «Atameken» ókilderi men qoǵam qaıratkerleri kiredi. Olardyń sharalary tolyq quram shyqqan kezde ǵana zańdy bolady. Olar bıznes nysandaryna jalǵyz bara almaıdy. Monıtorıng tobyna qatysy joq qyzmetkerlerdiń reıd júrgizýi de zańsyz. Mundaı jaǵdaılarda kásipkerler olardy nysanǵa jibermeýge quqyly.

«Іs júzinde Naýryzbaı aýdanyndaǵy nysandardyń birine polıtsııa qyzmetkerleri monıtorıng top retinde baryp, tyıym salynǵandyqtan nysandy jabýdy talap etken mysaldar bar. Shyn máninde, bul mekeme Ashyg pılottyq jobasy aıasynda jumys istegen. Prokýratýranyń aralasýynan keıin ol qyzmetkerler jaýapkershilikke tartyldy», - dedi ol.

Sonymen qatar, ol prokýrorlar pandemııa jaǵdaıynda baqylaýshy qyzmetter qabyldaıtyn shekteý-tyıym salý sharalaryn zerdeleýge erekshe nazar aýdaratynyn atap ótti.

«Mysaly, Bostandyq aýdany sanıtarlyq-epıdemıologııalyq baqylaý basqarmasynyń basshysy óz qaýlysymen 17 nysannyń qyzmetin toqtatty, sebebi osy nysandardaǵy birneshe qyzmetkerde COVID-19 anyqtalǵan. Mundaı nysandardyń ishinde bank, jeke mektepter, ýnıversıtetter jáne basqalary bar. Zań boıynsha sanepıdqadaǵalaý organdarynyń mundaı ókilettikteri joq. Sondyqtan prokýratýra bul jaǵdaıǵa aralasýǵa jáne zańsyz qaýlylardy joıýǵa májbúr boldy. Qadaǵalaý aktisi boıynsha kináli laýazymdy tulǵalar kásipkerlik qyzmetke zańsyz aralasqany úshin ákimshilik jaýapkershilikke tartyldy. Nysandar óz jumysyn qaıta bastady», - Prokýratýra ókili.

Sondaı-aq, Farhat Sádirov Almatynyń barlyq kásipkeri memlekettik organdardyń kez kelgen zańsyz sheshimi men áreketi boıynsha prokýratýranyń sall-ortalyǵyna 8-701-775-55-00 telefony arqyly habarlasýyna bolatynyn eskertti.


Avtor Alma Muqanova
Basty sózder: Qoǵam, Prokýratýra, Karantın, Almaty,
Joǵary qaraı