Aýa raıy
Astana -26 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda sańyraý ári mylqaý etikshi sheberhanada esirtki saqtaǵan

2020 jyldyń 31 qazan 2020 00:20

ALMATY. QazAqparat - Almatyda qulaǵy nashar estıtin ári mylqaý er adam etik jóndeý sheberhanasynda esirtki saqtaǵan, dep habarlaıdy QazAqparat tilshisi.

Bul týraly jergilikti turǵyndar «Orbıta» shaǵynaýdanynyń ýchaskelik ınspektorlaryna shaǵymdanǵan. Bostandyq aýdanynyń aýmaǵynda «Quqyqtyq tártip» jedel-aldyn alý is-sharasyn ótkizý kezinde ýchaskelik polıtsııa ınspektorlary polıtsııa kómekshilerimen birge etikshini iri kólemdegi esirtkimen ustady.

Esirtki zaty – gashısh onyń jumys ornynan, aıaq kıimnen tabyldy. Ustalǵan adam sańyraý ári mylqaý. Sondyqtan ustaý kezinde ol polıtsııa qyzmetkerlerine esirtkini qaıdan alǵanyn jáne ony qandaı maqsatta ózimen birge saqtaǵanyn túsindire almady.

«Qazirgi ýaqytta sotqa deıingi tergeý QR QK-niń 296-baby 4-bóligi (Esirtki, psıhotroptyq zattardy, olardyń analogtaryn asa iri kólemde satý maqsatynsyz zańsyz daıyndaý, óńdeý, alý, saqtaý, tasymaldaý) boıynsha bastaldy», – dedi Bostandyq aýdandyq polıtsııa basqarmasy bastyǵynyń orynbasary Edilhan Baıǵaraev.


Joǵary qaraı