Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda shańǵy tramplıni aýmaǵynyń kóshkin júrý qaýpi bar betkeıi bekitiledi

2021 jyldyń 8 mamyr 2021 19:36

ALMATY. QazAqparat - Almatyda «Suńqar» halyqaralyq tramplın kesheni aýmaǵynda kógaldandyrý jáne abattandyrý jumystary júrgiziledi, dep habarlaıdy QazAqparat tilshisi.

Almaty qalalyq Tótenshe jaǵdaılar departamentiniń uıymdastyrýmen «Qazseldenqorǵaý» MM QR TJM, Qazaq qurylys jáne sáýlet ǵylymı-zertteý jáne jobalaý ınstıtýty («QazQSǴZI» AQ), «Geografııa jáne sý qaýipsizdigi» AQ, «Almaty gıdrogeologııa» JShS, «Satbayev University» JShS mamandary «Suńqar» halyqaralyq shańǵy tramplın kesheni aımaǵyn tekserdi.

«Jumys sapary barysynda, qurylysy júrip jatqan «Esentai city» turǵyn úı kesheniniń aımaǵynda taý bókterinen 200-250 m qashyqtyqta «Suńqar» HShTK ornalasqany anyqtaldy.

«Suńqar» sport kesheni 2016 jyldan beri «kóshkin júrý qaýipi bar aımaq» retinde tirkelgen, 2020 jyly kóshkin júrý táýekeliniń dárejesi, yqtımal táýekelderdi baǵalaý jáne qorǵaý boıynsha usynystar syndy barlyq parametrleri kórsetilgen aımaqtyń pasporty jasaldy. Qujat boıynsha aımaq táýekeldiń ortasha deńgeıine jatady.

2016 jáne 2018 jyldary kóktemgi nóserli jańbyr kezinde atalǵan aımaqta kóshkin qubylystary boldy. 2017-2020 jyldary jáne bıyl jyldyń basynda kóshkin júrý deregi tirkelmedi»,- dep habarlady qalalyq ákimdikten.

Jasyl ekonomıka basqarmasy josparlaǵan «Suńqar» HShTK aımaǵyn kógaldandyrý jáne abattandyrý jumystary boıynsha komıssııa 2021 jylǵa josparlanǵan ınjenerlik-geologııalyq zertteý júrgizýdi usyndy. Qazirgi ýaqytta jobalaý-smetalyq qujattardy ázirleýge konkýrs jarııalandy. JSQ jasaý barysynda sarapshylar taý bókterin kóshkin júrýden nyǵaıtýdy eskeretin bolady. Sonymen qatar, aımaqta kógaldandyrý jáne abattandyrý jumystary júrgiziledi.


Avtor Alma Muqanova
Basty sózder: Almaty, Ekologııa, Qurylys,
Joǵary qaraı